Ka Nupepa Kuokoa, Volume XLVI, Number 46, 12 November 1909 — E HOOKOHU HOUIA MAI ANA O PRATT I LUNALEKA. [ARTICLE]

E HOOKOHU HOUIA MAI ANA O PRATT I LUNALEKA.

Mamuli o ka lono kelekalapa i loaa mai ai i Honolulu nei ma ka Poakahi nei, i kauia hoi ma ka la 7 o keia ma» hina, i loaa ae ai na hooia ana, e hiki mai ana no i ka manawa e hookohu houia mai ai o Mr. Pratt no ke kulana lunaleka no Hawaii nei. Penei iho ke ano o ka lono kelekalapa o ka hoea ana mai: WAKINEKONA, Nov. 7.—Eia ke upu nei ka Lunaleka Nui Hitchcock e hookoliu hou aku ia Joseph G. Pratt ma Honolulu. Aole nae e lawe kokeia ana keia keehina a hala kekahi mau mahina lelinlehu, mahope iho o ka. nana houia ana o ka haleleka ma Honolulu. Ina no ka hookohu houia mai o Mr„ Pratt i lunaleka no llonolulu nei, alaila o keia aku ana ke kolu o kona kau o ka paa ana ma kela kulana. No kekahi mau manawa lehulehu ae nei i hala, he nui na moho i loheloheia ae no kela kulana, me ka manaoia aole hc manaolana no ka hoomauia aku o Pratt ma keia kulana ana e paa nei i keia manawa, a ua hoomaopopoia no hoi ka' hala ana aku o na moa o na molio e alualu ana no kela kulana i Wakinekona, aka. ma kela lono kelekalapa nae, e hiki loa ai ke ikeia ae, ua oi ae no ka makemakeia o ka mea e noho nei ma kela kulana mamua o kekahi poe e ae. ™