Ka Nupepa Kuokoa, Volume XLVI, Number 47, 19 November 1909 — HOAOIA E LAWE KE OLA E KA ENEMI Kiolaia he Poka Pa-hu Imua o ka Hope Moi o Inia-Ko Ole ia Hana Ino. [ARTICLE]

HOAOIA E LAWE KE OLA E KA ENEMI

Kiolaia he Poka Pa-hu Imua o ka Hope Moi o Inia-Ko Ole ia Hana Ino.

ABMEDABAD, Inia, Nov. 15.—Ua hoaoia ka Haku Minto, ka Hope Moi 0 Inia ame ka I<ede Minto e powa maanei i nehinei, a o ka mea wale no nana i hoopakele i ko laua mau ola oia ke pa-hu ole ana o na poka pa-hu 1 kiolaia mai ai ia laua. 0 keia ka powa ano nui i hanaia me ka poka pa-hu i h&na kokeia iho nei ma Inia nei. He mau hoao lehulehu no ka i hanaia maluna o ke ola o kekahi mau luna aupuni Pelekane koikoi lehulehu e na lala o ka hui i kapaia t> " Inia no na Inia," ka poe i lawe i ka hoohiki paa e kipaku loa i na haole Pelekane kane mailoko aku 0 ko lakou aina. O ka hopu kokeia ana iho nei o kekahi poe powa eiwa he poe koikoi iwaena o na Inia, ka mea nana i hoomahuahua loa i ka inaina wela iloko o na Inia no na Pelekane, a ua hanaia na hana hooweliweli e hoala ae—i ke Ttipi, a me he mea la e oi aku ana ka hahana ame ka weliweli o keia kaua mamua o ke kaua kipi o ka 1857, mamuli o ka hoole o ke aupuni o Pelekane i ka haawi aku i ka mea a na kanaka Inia e koi nei. 1 ka nana aku me he mea la he hui ohumn kipi kekahi i kukuluia no ka powa ana i ka Luna Aupuni koikoi o ke aupuni maloko o Inia nei. Ku ka paila o na poka pa-hu i loaa aku ma kekahi mau wahi lehulehu a puni o Inia. Ua lilo na poka pa-hu 1 mau lako kaua hou i hoolakoia e na kanaka o Inia, a ke Hlo loa nei ia j i lako kaua hoopoino weliweli loa. I Ua hookohuia mai ka Haku Minto | i Hope Moi no Inia i ka 1905 i pami ma ka hakahaka o ka Haku Curzon, ka Hope Moi i hoihoi ai i kona liookohu mahope o ka make ana o kana wahine Amenka n'i.