Ka Nupepa Kuokoa, Volume XLVI, Number 47, 19 November 1909 — HULI HOI MAI O MAKAIKIU LEAI. Kapaeia Nae Mai ka Oihana Aku a Pau ka Noiiia Ana o Kona Keena. [ARTICLE]

HULI HOI MAI O MAKAIKIU LEAI.

Kapaeia Nae Mai ka Oihana Aku a Pau ka Noiiia Ana o Kona Keena.

Ma ke ku ana mai o ka Mokuahi Siberia mai Kapalakiko mai i huli hoi mai ai ke poo o ka oihana makaikiu 0 ke Kalana o Hon'olulu nei ma ka Poakahi nei mamuli o na hauwawa like ole o kela mau la aku nei i puai ae no kona poholalo, oiai oia e noho ana ma ke ano Makaikiu. Aole keia o kona manawa i manao ai e huli hoi mai no Honolulu nei, aka wa/hi nae ana o ke kamailio ana ae, he hookahi wale no leumu nui o kona huli hoi koke ana mai nei, mamuli no ia o kona lohe ana i na kamailio like ole e pili ana iaia. Ua hoea kino aku oia imua o Makai Nui Jarrett, a hoike aku no kona makaukau e ku aku imua o ka poe i kapa aku iaia no ka poholalo a no na ano e ae paha, aka ma ka aoao nae o ka Makai Nui, ua kauoha mai oia ia Leal e no'ho malie oia a hiki i ka pau ana o ka noii ia ana o na kumu hoohalahala lehulehu e mokeia nei i ka noii, a malia o ala mai ke Kiure Nui a imi pono i na hana poholalo o kona keena. He nui na ike e paaia mai nei e ka Makai Nui i pili loa i na mea i loheloheia no ke keena Makaikiu, a malalo o ia mau ike, i kapaeia aku ai o Leal mai kana ha»na aku no ka manawa a hiki i ka pau ana ae o ka pohina uwahi o ke kuhihewa, a oiaio paha e like me na mea i hoohuoiia. \ Ma kahi o Joe Leal, e >hoomau aku ana no ka Hope Makai Nui Rose ma ka noho poo ana no na makaikiu, e like me ia e ku nei i keia manawa, mai kela wa mai o lea haalele ana mai o Leal no Kapalakrko.