Ka Nupepa Kuokoa, Volume XLVI, Number 47, 19 November 1909 — HOOPAIIA NA KANAKA POWA I KA PAKE. [ARTICLE]

HOOPAIIA NA KANAKA POWA I KA PAKE.

No ka pepehi ana i ka Pake ame ka hao ana i kana mau dala $9.85, kana mau wahi dala wale no o ka hana ana me ka ikaika, i kela mau limakoko hoi pau i ka haoia, ua kauia mai la ka hoopai kupono maluna o Andrew Kau,piko ame Edward Mikalemi i uku no ka laua hana hewa. Ua hoopaiia laua e ka papa kiure o ka Aha a ka Lunakanawai De Bolt mamuli o ke kumu hoopii i waihoia ae no laua, o Harry Kahiki kekahi i manaoia ua komo pu ma kela powa ana, a ma ka noonoo ana nae o ke kiure ua ike ia ka pili ole o ka hewa iaia a hookuuia. I kulike ai me na olelo ike i hoikeia imua o ka Aha, ua hahai mai keia mau kanaka ekolu ia Dave Cummings, George Macy ame "Willie Hutchinson ame kahi poe e ae, he poe hana ipuhaomahu wale no lakou a pau mai Haleiwa mai no ka holo ana mai e halawai me kekahi puulu kanaka opio e hoala ana i heihei no ka uku makana $10. Ua hahai pu mai o Kaupiko ame Mikalemi i kela poe a i ka hiki ana ma. kekahi wahi ua ike aku la laua i kekahi mau Pake elua me na poho i-e , i piha i ke kaka e lavre mai ana i ka makeke a emi hope hou aku la, a 'koe hookahi o Kahiki. Mahope iho, ua ike aku la o Kahiki i kona mau hoa j e alualu ana i na Pake a ike pu aku [ la i ka huli ana mai o .na Pake, o ka | Pake elemakule nae ka i hahai mai ia laua me ka mamaka. Ma ka olelo a Kahiki, i kona wa i ike aku ai i ko Llakou aumeume, ua holo koke aku la e uwao, a oiai ia e hooikaika ana e hookaawale ae i ka poe hakaka, ua hahauia mai la kona poo e Mikalemi i ka laau mamaka a ka Pake. Ma ka hoike a Mikalemi ua pa io no iaia kekahi mea i ka laau aole nae ia 1 ike owai la ia mea i pa ai, o Kahiki paha a i ole o ka Pake paha. 0 ka mea maopopo ke nana aku o Mikalemi ka mea nana i ku'i ka Pake a hina ilalo a lawe i ke eke dala a ka Pake mai ka pakeke ae me ke kokua pu no nae o Kaupiko, a i ka lilo ana 0 ke eke dala ia laua ua mahele like ia mawaena o laua, a pehea iho la ka hoi o Kahiki i nele ai oiai oia pu no kekahi malaila ia manawa? No Miakalemi he moolelo no kona 1 paanaau loa ia e ka poe mamua, he aihue, he piliwaiwai, a o keia hoi he powa, a no keia hewa nae noho ana j laua i Kawa no elima makahiki ka-'j nono pono!