Ka Nupepa Kuokoa, Volume XLVI, Number 47, 19 November 1909 — HE OIAIO ANEI, KE AUHAU AKU NEI KEKAHI POE HOOKOHUKOHU PULE AKUA I NA POE I NAWALIWALI? [ARTICLE]

HE OIAIO ANEI, KE AUHAU AKU NEI KEKAHI POE HOOKOHUKOHU PULE AKUA I NA POE I NAWALIWALI?

Oia anei ke ola o kekahi poe e noho mai nei o ke komo ana iloko o na kauhale o kahi poe nawaliwali, a pule iho la-i ka mea ma'i me na kualehelehe ana o ke ano hoomiomio olelo e kuhi ana i o a ianei, i ke kumu o Ka ma'i i hiki mai ai, a mahope iho o ia mau kualehelehe ana, auhau aku la i ka mea ma'i e mea dalaf He oiaio anei? a ua hana i'o ia anei kekahi poe ma'i me keia ae la? Ea! e kuu i'o ame kuu ili mai ke kupuna hookahi mai ina ua hana io ia pela, ke noi aku nei ka mea nona ka inoa malalo iho, uwoki! Mai hana hou aku i kahi hana o ia ano ma keia hope aku, a no ka mea, aole oe i knpono e lilo i luna auhau no ka poe ma'i au e lawelawe la, a ina ma ke aloha wala ia mai ia oe, he mea okoa ia, aole ia iloko o keia iwi haiao ana; aka, o ka auhau maoli ana aku i ka mea ma'i mamuli o kou manao ponoi mai hana hou oe pela, a oiai, aole no ha'i aku kela ko'i lipi e waiho la ma ke kumu o na laau, aka, malia nou no; a no ka mea, o kela laau keia laau i hua ole i ka hua maikai, he oiaio e kua ia ilalo. I A e puhiia i ke ahi, a malia o oe kekahi 0 ia mau kumulaau e oleloia nei, alia nae hoi au e kakahele loa ae oiai hoi ke i mai nei oe: Ka! Kupanaha no o ua o Kamakea e a'o mai nei me ka ike iho no nae 1 ka olelo e waiho ae la; o ka poe hai aku i ka euanelio e ola no lakou ma ka euanelio, he sua hoi kau —pololei oe; a- no ka mea, o ka palapala hemolele apau, ua haawiia mai ia e ka Uhane 0 ke Akua, he mea ia e pono ai, no ke a'o ana, no ka papa ana, no ka hoopololei ana ; no ka hoonaauao ana ma ka pono: I hemolele ai ke kanaka, o ke Akua, 1 makaukau lea ai hoi i na hana maikai a pau. A ina pela ae la ke ano o ka palapala Hemolele, alaila he hemolele anei ia no ke kanaka, a mau kanaka hoi e komo nei iloko o na kauhale e auhau maoli aku i na ma'i i kekahi mau dala no ko lakou pakeke iho? O kuu manaoio ana i ka Palapala Hemolele o kuu ola ia e ola oei au i keia la, i ka la apopo,- a hoea aku i ke kiekiena o na makahiki he 70, a oi aku i ke 80; aka, o ke komo ana. o kekahi poe iloko o na home i loohia i ka ma'i a auhau maoli aku ia lakou i mau dala me ke kue maopopo loa i na a 'o ame na alakai ana a ka Palapala Hemolele ea, oia kekahi o na hana hilahila ole ina ua hana io ia pela, he hana hoi na kekahi o na uhane hookai wale e kaukai aku ana i ko lakou ola mai a oukou mai e ka ipoe i nawaliwali ma ke kino, a o ua hana la ua kue maopopo aku ia i na ao ana apau a ka Palapala Hemolele. Nolaila, ma keia episetole, a mamua ka pau ana o keia iwi haiao, ke nonoi aku nei i ka poe i auhau io ia aku i mau dala e keia poe, a e loaa no au ma ke kakau ana mai i ko'u inoa ma ke alanui Maunakea helu 10 me 20 o ka hale hoolimalima o Kale Keopu, ke oiaio hoi keia lono i IWe ia mai i o'u nei, mai hopohopo a maka'u i ka hoike ana mai i ko lakou inoa ia'u. Owau kou io ame kou ili. SAMUEL K. KAMAKEA. Honolulu.