Ka Nupepa Kuokoa, Volume XLVI, Number 47, 19 November 1909 — LOAA IA HAWAII HE MEDALA GULA Kau Ma ka Helu Kiekie o Na Makana i Haawiia no na Hana Hoikeike ma Seattle. [ARTICLE]

LOAA IA HAWAII HE MEDALA GULA

Kau Ma ka Helu Kiekie o Na Makana i Haawiia no na Hana Hoikeike ma Seattle.

He mea na Hawaii nei e hauoli ai, a e haaheo ai hoi ka loaa ana niai o kekahi o na medala gula i haawi makanaia mai e ke komisina o na hana hoikeike ma Beattle. Mailoko mai o na haneri o na hana hoikeike i wehe akeaia ma kela kahua hoikeike a ko ke ao holookoa i hele ae ai e makaikai, he ekolu wale no mau meda'iā gula i haawiia, oia 'hoi i ke Kula o ka Mokuaina o Wa'ei: ekona, ame ke Kula Akeakamai o Olympia a i na kula ihoi o ke Teritore •) Hawaii nei. Ua hoikeia ae keia nuhou e A. F. Knudsen iaia i huli hoi mai ai ma ka Poakahi nei maluna mai o ke Sibena. O keia ka makana mua lua i !oai mai i ke keena hoonaauao o keia Teritord malalo o ka Peresidena Babl>itt o ka Papa Hoonaauao, a ke kakalii aku nei ko Honolulu nei poe me ka hialaai nui no ka hoea mai o ua meāala gula la.