Ka Nupepa Kuokoa, Volume XLVI, Number 47, 19 November 1909 — HALAWAI HOALOHALOHA NO KA MA'I. [ARTICLE]

HALAWAI HOALOHALOHA NO KA MA'I.

E ka Lunahoopoūopono o ka Nupepa Kuokoa, Aloha oe: Ma ka hora 6 p. m., Novemaba 11, 1909 i wehe ia ai na hana lioalohaloha, i noho lunahoomaluia e Jno. Haulani ka Peresidena o ka Ekalesia o ka Hoomana o na La hope nei, P. K. Kauhi, Komite o na hana. Weheia na hana himeni hui L. H. aoao 124, puleia e Jno. Haulani, himeni L. H. aoao 48, hapalua hora haipule, manao paipai mai a Jno. Haulani, loane 36:22. "A he ehaeha ko oukou i keia manawa; aka, e ike hou auanei au ia oukou, a olioli ko oukou naau, aole kekahi e kaili aku i ko oukou olioli mai ia oukou aku," i"ka weheia ana mai o na manao pili, pili pono ka la i papa enaena (na poe e puka ana). Pau ka hapaha hora haipule, helaheluia mai e Jno. Haulani ka Palapala Hoalohaloha penei: E ko makou mau hoahanau, ame na kaikuahine, na hoa hooikaika pu ma na hana nani a Laahia o ko kakou Haku iloko o ka Ekaleaia, Kula Sabati, Hui Opio, ame ka Hui Manawalea o ka E|calesia o lesu Kristo o ka Poe Hoano o na La Hope, Aloha oukou. O makou o ko oukou mau hoahanau a hoa paahana iloko o kona kihapai, a oiai ua oluolu i ko kakou makua iloko o ka lani ka hoau-i ana ae i ke a-u o ka manawa, a wehe ae la hoi i na hipuu paa o ka noho'na hoomalu ana a na kanawai o ka aina i kau like iho maluna o kakou. A nolaila, ua wehe hamama mai la Oia i ka ipuka o ka lanakila imua o ko oukou alo, a ma ia ano auanei i

kono ia mai ai oukou e haalele iho i •keia Aina hookama o kakou, 110 ka ike aku i ka home, ka~ohana, ame ka aina kulaiwi, aka, aia iloko o ko makou mau puuwai pakahi na hoomanao poina ole ame ke aloha ku-io no ka oukou mau hana maikai ame na kokua waiwai nui no ka pono ame ka o ke aupuni o ko kakou Haku aloha ame ia mau mea i hoomaopopo ia ua liio i kia hoomanao na makou e noho iho ai. I ko makou hooki ana i ko makou •mau leo kanaenae aloha hope loa no oukou, ke nonoi nei makou i ko kakou makua iloko o ka lani; e kau iho ina I ' \ hoopomaikai a kona uhane maluna o | oukou apau a nana no e alakai a e | hookupaa mau ia oukou iloko o kona | oiaio me ka naueue ole iloko o ka inoa I o lesu Amene. I 0 makou no ko oukou mau hoa paahana iloko o Kristo, ma o ko makou mau Komite la. JOHN HAULANI, Peresidena Ekalesia. DAYID K. KAUHI, Peresidena Kula Sahati. J. T. UNEA, Peresidena Hui Opio. MRS. KAMAKA, Peresidena Hui Manawalea. Pine ma ka aoao o ka poe e hemo ana. E na makua na Komite hoi ma ka aoao o na Hoano ame na hoapaahana hoi o ko Kristo Aupuni ma keia Apana o Kalaupapa, Aloha oukou: Ua ili iho maluna o'u ke koikoi o ka hoike ana aku ma ka aoao o ka oukou poe keiki, a hoapaahana pu hoi o ke aupuni o ko kakou Haku aloha me kn hooia laahia ana aku ame ka pulama pumehana ana mai hoi i ko oukou mau lioomaikai no makou, a ma na wahi apau a makou e hele aku ai, e hiipoi pu aku ana makou'i ko oukou aloha, me ka makee pu ana hoi i ka hae lanakila 0 Kona aupuni, a na ka Haku e kokua mai ia kakou apau, ina aole ma keia ao, alaila ma kela ao nani ma o. Me ke aloha, ' GEO. MAHIAI. Himeni hoalohaloha mai ka Papa hi- 1 meni mai o na opio, alakaiia e D. Ilihia, ha'iolelo na Mr. Hairama Pahaa me ka himeni pu, na hana lioo'mulea mai ka Papa Himeni mai a Jno. Hauiani, 2 P. 11. J. K. Keliikuli; 3, P. H. Opio, alakaiia D. Ilihia; 4, P. 11. Mary Smith; 5, ha'iolelo mai a S. K. Kaunamano; 6, P. H. Bay Yiew H. ala* kaiia e D. Beni; 7, P. H. Kaena; 8, P. H. L. A. Kekipi; 9, P. H. Adela; 10, P. H. Mrs. Kaluna; 11, P. H. Ellen Freeman; 12, P. H. Mrs. Kamaka E. Nahulu, na keia papa ka like me kekani a ke oeoe o Mikahula, pa'ipa'i nuiia; 13, P. H. Kini Nuwela; 14, P. H. Pelekila; 15, Solo, Rose Meyer ma ka olelo Beritania; 16, P. H. Kakae me na pila; 17, P. H. Kupalua "Willie, Keliikuli; 18, Solo Hoapili Jr.j ]9, P. H. Alapai Kekipi; 20, Solo, Mrs. Ellen Free ( man; 21, P. H. Keliikuli, na keia papa i hoonaueue ae na paia o lerusalema Hou ua like me he hale hana keaka la kahea houia e hana hou pa'ipa'i nuiia; 22, P. H. Bay View Home, D. Beni ke alakai; P. H. na poe e hemo ana, pau no ia o na hana 'hookuuia na hana ma ka pule a Jno. Haulani, hora 10. Nee aku ke anaina ma kekahi hale 1 hoomakaukau ia no ka inu kope, elua papa aina loloa no na kokua no na ma'i pau ae ,ana komo aku ana, haalele aku ka meakakau e nuu ana no ka lehulehu i ka lokomaikai o na opu aloha. Ua hoike ia mai i ka meakakau he 68 ka nui o na himeni i hoomakaukau ia ua pau e ka manawa, no eha hora i hoohanaia. E kala mai ika meakakau ina ua pau pono ole ma keia hoike. Kou oiaio, S. K. MAIALOHA, Kalawao, Molokai, Novemaba 12, 1909.