Ka Nupepa Kuokoa, Volume XLVI, Number 47, 19 November 1909 — INOINO NA ALANUI O HAWAII Hiki Ole i na Holoholona ke Huki i na Kaa Lawe Ukana ma Kekahi Mau Wahi. [ARTICLE]

INOINO NA ALANUI O HAWAII

Hiki Ole i na Holoholona ke Huki i na Kaa Lawe Ukana ma Kekahi Mau Wahi.

"E hoike ana ka Nupepa Herald o Hilo i ka inoino maoli ka o kekahi mau alanui o Hawaii e hiki ole ai i na kaa ke hele, a ua ku a poino maoli na holoholona ame na kaa. M"a ka Poalua aku nei ka o ka pule i hala, ua hiki aku ma kahi o ke kan«liiku ka nui o na holoholona i paa iloko o ka lepo, e hiki ole ai ke i na kaa. E weheia ana na holoholona o kekahi kaa no ke kokua ana mai i ke kaa mamua loa, a i ka hiki ana hoi o ia kaa ma kahi maikai, e hoihoiia mai ana ia mau holoholona no k© kokua ana i na kaa aku mahope, a pela ka hanaia ana a hiki i ke kauoha okoaia ana mai Hilo mai, e pau ka hukiia ana o ka ukana ma kela alanui. Mai Wainaku aku ka a hiki i Papaikou, e pii mau ana ka inoino o ke alanui i kela ame keia la. He elima mau pule i hala aku mamua i hooholo ae ai ka Papa Lunakiai e hoomana aku ia Lunakiai Desha e hui aku me ka hui halihali ukana o ka Luaopele no na mea e pono ai ka halihali ana i na ukana ma kela alanui, a aole ka i hana ikiia, a. pela 1 hoea mai ai kela pilikia. Mai na holoholona i paa tna ke alanui ma Honolii, he kanaha o ia mau holoholona no ka hui o ka Luaopele, a he kanakolu no kekahi poe okoa ae. Ua nui maoli ka ka poino ma na alanui, e hiki ole ai ke hoomauia aku ka lialihali ana i ka papa no ka mahiko o Onomea ,a o ka poe hoi keia e noho ana ma kekahi aoao aku o ke alanui o Honolii, aole o aa e holo mai no Hilo no ke kuai ana i ka lakou mau mea i jnakemake ai, no ka maka'u o loaa na kaa ame na holoholona i ka poino. I