Ka Nupepa Kuokoa, Volume XLVI, Number 47, 19 November 1909 — KA LUNAKIAI HOU O KE KALANA O KAUAI. [ARTICLE]

KA LUNAKIAI HOU O KE KALANA O KAUAI.

Oiai ua hooliakaliakaia ka noho Lunakiai o ka Apana o Hanalei mamuli 0 ka waiho ana aku o Charlie Kahea 1 kona kulana imua o Kiaaina Frear, mamuli o kekahi hihia hewa e ku-e ana aaia imua o ka Aha Amerika, nolaila ua paniia ae 'la kona makalua, ma o ka hookohu ana aku o Kiaaina Frear ia William Huddy o Kilauea ma ka Poaono aku la i hala. Ua ahewaia o Lunakiai Kahee imua o ka Aha Amerika i ka wa i hooloheia āi o kona hihia, a mamuli o ke noi a kona loio e kauia mai ka hoopa'i oluolu maluna ona, nolaila ua manao ka Lunakanawai Elua o ka Aha Amerika, o ka ekolu mahina e noho ai ma Kawa, ka hoopa'i kupono nona. .0 ka mea i hookohuia ae la ma kona makalua, he kanaka no oia no ka aoao kalaiaina hookahi me ko Kahee, a no ia apana hookahi no hoi.