Ka Nupepa Kuokoa, Volume XLVI, Number 47, 19 November 1909 — E WEHEIA ANA KA HALEMA'I KAUIKEOLANI [ARTICLE]

E WEHEIA ANA KA HALEMA'I KAUIKEOLANI

Ua paa ae nei ka Halema 'i o na Kamalii nona ka inoa o "K;i Halema'i Kauikeolani no na Kamalii," ama ka auwina la o ka Poaha ae nei e hoea mai awa, ka la 25 o keia mahina, o ia hoi ka la Hoalohaloha i ke Akua e wehe akeaia aku ana imua o kā lehulehu no ka makaikai ana. Eia keia hale nani ke ku nei ma ke alanui Kuakini, mawaena o na alanui Nuuanu ame Liliha, i kukuluia hoi e Albert 8. Wilcox o Kauai, no ka hoomanao ana no kana wahine aloha, ka mea nona kela inoa e o la ma keia halema'i hou. He halema'i keia i hoalaia ae no ka īapaau wale ana no i na ka.malii i 100-

hia i ka ma'i, a oiai ua kuu akeaia keia hale no lakou wale no, nolaila o ka iini nui iloko o na kahu waiwai o ka halema'i o ia no ka haawi ana aku i na kokua i na keiki ilihune. E lawelaweia ana he mau hana wehe, a mahope aku o ia manawa e kuu akeaia ai imua o ka lehulehu no ka makaikai ana. Aia malaila na komite, hemau lede no ka hookipa ana aku i ka poe makaikai, a na lakou no hoi e hoolawa mai me kekahi mau mea ai mama i hoomakaukauia. E hoea ae ana ka Bana Hawaii malaila ma kela manawa no ka hoonanea ana i ka lehulehu, a oiai he hale hou loa keia i hoafaia ae no ka pomaikai laula o na mea apau, nolaila ua kono ia ka lehulehu e naue ae e ike no lakou iho. .