Ka Nupepa Kuokoa, Volume XLVI, Number 47, 19 November 1909 — HOPUIA NOKE KUAI WAIONA Paa He Wahine Hawaii i na Kiu o ke Aupuni ma ke Sabati i Hala. [ARTICLE]

HOPUIA NOKE KUAI WAIONA

Paa He Wahine Hawaii i na Kiu o ke Aupuni ma ke Sabati i Hala.

Ma ka hora umi o ka po o ka la Sa- 1 bati i hala aku la i paa ae ai i ka hopuia he wahine Hawaii nona ka inoa o Navaela no ke kuai waiona me ka laikini ole, mahope iho o kona hakilo makaala loaia ana e ka Lunanana Fennell. He mau omole kini ame na om'ole waina ka i loaa aku i na makai i ka wa i huliia aku ai oloko o ka hale, me ke dala hoi i ma-kaia i hunaia malalo 0 ka uluna. Aia ka hale o ka wahine i paa ai i ka hopuia ma Kakaako ae nei, ma kahi kokoke i ka hale hoki o ke aupuni ,a no kekahi mau pule ka nokeia ana o kela wahi i ka hakiloia e Mr. Feunell, a akahi no a paa i ka hopuia ma ka po Sabati aku la i hala. Ua hoea aku ka lohe i ka Lunanana Fennell no ke kuai mauia o ka waiona maloko o ka hale o ka wahine i paa iho la i ka hopuia i na Ia Sabati apau, a pela oia i noke loa ai i ka ihakilo a hiki i ka pau ana o kona kuhihewa. Ma na mea i oleloia ae, he ekolu poe 1 ikeia i ka hele ana e kuai waiona ma kela hale ma kela la, a i wahi e paa ai ka mea ku-e kanawai, ua waiho okoa o Mr. Fennell a hiki i na hora poeleele, alaila komo aku la oia me kana mau kiu, a hopu i keia wahine, I ka manawa ka a na makai o ke komo ana aku, ua hoomaka ua wahine la e kiola i kekahi eke ma ke puka aniani, a i ka heleia ana aleu e huli, ua loaa aku la he mau omole kini koloko, eha ka nui, he hookahi nae i naha, a koe mai ekolu i hoikē ma ko ke aupuni aoao no ka pili o ka hewa i ka mea i hopuia. Mawaho ae o na omole kini i loaa aku, he mau ie waina kekahi, a na ke kane a ua wahine la i hooia mai i kona kuai ana he eono mau omole kini, me na omole waina no ka hoopukapuka ana aku, a ua inuia no he mau omole waina eia, a ua kuaiia aku hoi kekahi. Mamuli nae o kahi bebe uuku a kela wahine, ua hookuuia mai oia e noho mawaho a hiki i ka hele ana aku e hookolokoloia mai no kona hewa.