Ka Nupepa Kuokoa, Volume XLVI, Number 47, 19 November 1909 — HALA O FREAR NO WAKINEKONA Ma ka Mokuahi Lurline o ka Poakolu nei Oia i Haalele Mai ai i ke Kapitala. [ARTICLE]

HALA O FREAR NO WAKINEKONA

Ma ka Mokuahi Lurline o ka Poakolu nei Oia i Haalele Mai ai i ke Kapitala.

Mia ka Mokuahi Lurline o ka haalele ana mai i keia awa ma ke kakahiak'a o ka Poakolu nei i hala aku ai o Kiaaina Prear no Wakinekona, e like me kona manao kahiko i hoolala ai. Mamua nae o kona haalele ana mai ,ua hookohu aku oia ia Kakauolelo MottSmith i Kokua Kiaaina, a hiki i kona huli hoi ana mai. O Mott-Smith ke kolu o na kokua e noho mai nei ma na keena poo o ke Teritore, oiai eia ia Mr. L. Andrews ka hoeuli o ke keena o ka Loio Kuhina, a aia hoi ia H. Hapai ko ke keena Puuku. I kulike ai no hoi me ke kuahaua a ka Peresidena o Amerika Huipuia, e hookaawale ana i ka la 25 ae nei o keia mahina i la hoalohaloha i ke Akua, pela o Kiaaina Frear i kakau pu ae ai he kuahaua no ka lilo ana o ia la i la kulaia apuni ke Teriaore nei. O kekahi hana nui a ke Kiaaina o ka hala ana aku la, no na mea no ia e ipili ana i na hoololi i ke Kanawai Kumu a ka Ahaolelo Kuikawa o ka hooholo ana iho nei, o ia hoi e lilo ana oia i mea hoomoakaka pono aku i na Solona Kaukanawai o Amerika i ka wa e noho mai ai ka Ahalelo Lahui i ka mahina ae nei o Dekemaba i ka manao maoli maloko o ka bila e onouia aku ana imua o lakou. Mawaho ae o keia hana, e hui aku ana oia me Andrew Carnegie, ka haole 1 hoike ae i kona manao no ka i manawalea ana mai i na kokua i wahi e loaa ai na buke no ke keena helu-- j helu buke o ke Teritore.