Ka Nupepa Kuokoa, Volume XLVI, Number 48, 26 November 1909 — MOE KAOO I NA KEPANI ME NA KUKUI Hoohiwahiwa na Kepani o Keia Kulanakauhale i ka Mokukaua Kepani Idzumo. [ARTICLE]

MOE KAOO I NA KEPANI ME NA KUKUI

Hoohiwahiwa na Kepani o Keia Kulanakauhale i ka Mokukaua Kepani Idzumo.

Mamuli o ka mokukaua Kepani lazumo i ku iho nei i ke awa, ua malama ae na Kepani o keia kulanakauhale i kekahi hana hookahakaha ka'i kukui ma ke ahiahi Poalima aku nei o ka pule i liala, a ke nana aku { na alanui. kauluwela i na kukui mai ke nui a ka liilii e paahele ia ana ma ka lima a maluna o na kaa. Ma ka hoomaojt»po aku i kela po me he mea -la ua puka ka liapanui o na Kepani ma kela ka'i huakai hookahakaha; e like me na anonanona pela okoa iho la no ka mea i ikeia ma na alanui; ma ke kolio aku me he mra la aia ma kahi o ka eha kaukani a oi, no

ka puka pu o na wahine ame na ka~ inalii a lakon. Ua hoomaka ke ka'i ana mai o l?ft huakai mai ka Paka mai o Aala, hele ma ke alanui Moi, iho i kai ma ke alanui Alakea a hiki i ke alanui Ala Moana ka'i malaila aku a ke alanui Allen, iho i kai a hiki i ka uwapo hoomaln ma'i, a malaila i hoolulu ai no ka mea, malaila ka mokukaua Idzumo kahi i ktt

Ua huikau pu ma leela huakai na lahui e e uhaihele ana i ka liuakai a na Kepani, a ma na pipa* alanui apau, ua ikeia ka piha makaikai ma kela a ina keia aoao. E loheia aku ana ka himeni o na Kepani i ke mele laliui Amerika "The Star Spangled Banner," me ka liuro ana Banzai. Aoho bana i ka'i pu me kela huakai no k& nele paha, a i ole no ko lakou makemake ole no paha ia mea. 0 kekahi kela o na liana i hoolalaia ai e ko Komite hookipa. Aia iwaenakonu o ka huakai kekahi mau kaalio e kauo ana i kekahi mea. nui i hanaia a kohu hale ipukukui, a maluna mai o kekahi kaa, lie popo nui koliu baluna ua penaia me ka hae Amerika ma kekahi aoao a o ka hae Kepani la ma kekahi aoao. Ma ki nana aku me he mea la he kukui ka kela ame keia kane, wahine a keiki Kepani e paa ana. O kahi i nani loa ai kela ka'i huakai iloko o ka hele o na alanui a hookeke i na kanaka, n& kaa otomobile ame na kaalio, aohe hookahi ola i poino. Maluhia ke kaH huakai a hiki i ka hiki.pono ana i kahi o ka mokukaua e ku ana. v Ma ka Poakahi nei i haalele mai ai ka Mokukaua Idzumo ia Honolulu nei. a hoi loa aku la no Yokohama.