Ka Nupepa Kuokoa, Volume XLVI, Number 46, 3 December 1909 — HUAKAI A NA ELELE C. E. O HAWAII I AMERIKA. [ARTICLE]

HUAKAI A NA ELELE C. E. O HAWAII I AMERIKA.

(Hoomauia.) Holo makou ma ke kaauwila i o a ianei me he mea la ua hala he 20 minuke, a ua kuhikuhi mai la ke pailaka ia makou i ka halepule kahi e noho ana. ka Ahahui C. E., oiai ua noi mua aku makou i kona oluolu e lioolele ia makou ma ka halepule kalii e noho ana ka Ahahui C. E. Lele aku la makou me na wahi paiki o makou a hele aku la no ka halepule kahi o makou i kuhikuhi ia ma! ai o makou eha (4) ame na hoa elele o makou mai ka Ahahui Mokuaimi, mai o Kaleponi, he luakini nui keifi, (Central Presbetrian Church) 17th and Sherman Aves. Komo aku la makou, a ma kekahi rumi e noho ana na Kakauolelo hoopaa inoa Miss Lillie Davis. Hoopaa iho la makou i ko makou mau inoa a haawi ia mai la na badge o ka Ahahui o Denver ia makou pakahi, a pau ia, | laweia aku la makou no kahi o ku | Hokele e hoaumoe ai makou ia po, I e Mr. Karl Lehmann, Field Secretary. I Ke hoomanao nei au, ua koele wawa i I ia e makou he % mile a hiki i ko makou hoea ana i kekahi hokele, a ui hoolauna ia aku la makou. Ke an j noenoe loa iho la, 9 o ka hoomaha liilii ana ua wehewehe na wahi lole a hele aku la e auau, a mahopp iho ua komo na wahi lole maemae o makou, a kau iho la na lipine o makou ko Pasadena badge, ko Denv«r ame ko Hawaii nei a ua hele aku la makou—o ka makou hana mua loa o ia no ka hele ana e paina, uā hele makou e naua i wahi no makou e :u ai aohe loaa, oiai ua paa e kekain mau haleaina, pela ka makou hele ana •a hiki i keia hokele he 7 hale ke kiekie 0 ka inoa o keia hokele o:a no Tlie Savoy, he wahi ano hopohopo no ka 1 loko o makou, a no ka mea, ua hookaulana ia mamua o ko makou" holo ana ka.hookae ia o na Hawaii ma na Hokele o Amerika ame ia ano ua kanalua makou, aka, mamuli o ka paipai a ke keiki o Waialua nolaila īia hooholo iho la makou e komo, nolaila, ua komo aku nei inakou ma ke keena a ninaii aku nei i ka mea e noho ana malaila, ina paha e 4paa ia makou kekahi meaai malaila? Mahope o kekahi mau sekona, ua pane mai la oia, loaa no kekahi meaai ia makou, nolaila na komo la makou, a noho ino la ma kekahi pakaukau, a ua kauoha ia aku ka makou mea e ai ai, mahope iho o ko makou ai ana ua lawe mai la ke kuene i ke tikiki, i ka nana ana iho he elima ($5.00) dala ko ia ai aohe nui o kahi mea i ai • ia, oia nae, he nui na«T ke kaki ana. Na ke keiki o Waialua 'i uku ia mau dala elima. Me ka mahalo nui i kona lokomaikai. TJa haalele iho la makou i ka T[okele me ka maikai a ua hele aku la makou i kahi e noho ai ka halawai a na C. E. o ia ahiahi. Ua hele' niakou a hiki i kahi no a makou i hoopaa ai i na inoa o makou, oia hoi ke Central Prebyterian Church, a ua ko-

mo aku la makou he luakini nui keia ame ka nani oiai, aohe mea hookipa ma ka puka ia wa, ua komo loa aku Ia no makou me ko makou hele lolei āna no i ka papa noho mamua loa e kokoke ana i ka awai. O ka mea e ha'iolelo ana oia no o W. Shaw, ke Kakauolelo Nui o na C. E. o ke ao nei. la makou e hele aku nei i ka hapalua o ke alahele e hiki aku ai i ka papa noho e pili ia i ka awai na hoomaopopo mai la oia ia makon, a hoomaka mai la oia e ha'iolelo no makou imua o kela anaina. O kekahi o ia mau olelo, oia keia: "Eia ae ko kakou mau hoahanau lhai Hawaii mai ke hele mal nei imua o kakou, ua haalele lakou i ko lakou mau home ame ko lakou lahui kanaka a ua hele mai no keia hana nui a ko kakou Haku, he mau tausani mile ma ka n»v ana' a he mau tausani mile ma keia aina" a o ka mokuaina hoi o Kaleponi eia no ia iloko o keia aina puni ole o Amerika nei, he elua wale no Elele mai ia Ahahui mai imua o keia Ahahui a imua hoi o ka Ahahui Nui o ke ao nei e noho ana ma St. Paul, Minnesota, a o ka Lahui Hawaii, ua hoouna mai he eha (4) mau Elele.'' Nolaila, ke lawe nei au i na Elele mai Hawaii mai i poe malihini na'u a ka Poakahi e holo pu ana lakou me a'u i Boulde, "a o na lilo na'u ia e uku, a pau ae kuu ha'iolelo ana ua makemake au ia lakou e himeni mai lakou i kekahi himeni o Hawaii. He mau minuke mahope iho ua pau ka ha'iolelo ana a Mr. Shaw, ua kono mai la kela ia makou e pii iluna o ka awai a lululima iho la a pau ka lulu lima ana, himeni aku la makou ia "lesu no ke Kahuhipa, a pau *o makou himeni ana, ua nui loa ko lakou hāuoli, a ua koi hou e himeni hou, ua himeni hou makou ia "Mele Lai." Mahope iho o ia, ua kahea o Mr. Shaw i ke anaina e hele mai e lulu lima pu me makou, ua kukuluia makou malalo i_ho o ka awai, a ua hele mai kela ame keia a lululima pu me makou. Ua hoohala ia he mau minuke ma keia hoolauna ana me ka hauoli. Ia po no, ua kono ia mai la makou ia makou ka himeni wehe o kekahi luakini a pela pu no hoi me ka himenl hookuu o kekahi luakini, a ua ae ia aku ia mau noi, ua hoi makou i ko makou hokele a hooluolu ia koena po. (Aole i pau.)