Ka Nupepa Kuokoa, Volume XLVI, Number 46, 3 December 1909 — KA AUHAU KULA KUIKAWA I MANAOIA. [ARTICLE]

KA AUHAU KULA KUIKAWA I MANAOIA.

0 ke Komisina no ka waihona o na Kula i hookohuia' ai e ke Kiaaina- a i kulike ai hoi me ka Olelo Hooholo i | aponoia ai e ka Ahaolelo ma ke kau mau ke mua nei i ka lakou hana ma ka nana ana iloko o na hana e pono ai na kula me ka manao | e hoao e huli i ke alahele e hiki ai ka oihana hoonaauao o Hawaii ke hooiia ' ae ke kulana maikai a holomua. J 1 kulike ai me ka olelo i hoopu-aia ae ma ka Poaha aku nei o ka pule i hala e W. A. Bowen, ua paa ka manao o ke Komisina waihona kula, o ka hana kupono wale no e hiki ai e hooiia ae ke s kulana holomua o na kula ma Hawaii, oia ke kau ana aku i mau auhau hou maluna o na waiwai, oia hoi maluna o na waiwai paa ame na 1 waiwai lewa a i ole maluna paha o ia mau waiwai a elua. 0 keia ka ke alahele e hoohanaia mai nei ma ka hapanui o na mokuaina ame na pana-! laau o Amerika, a oiai nae, aole i hooholo loa ke Komisina ia hana i keia manawa, aka nae, ke noonoo akahele nei no lakou oia wale no ke alahele ' e hiki ai e loaa ia Hawaii ka oi ae ' 0 ka maikai o ka holomua o na kula, a i leupono loa e hoohanaia maanei ī keia manawa i mea e nui ai ke dala. O ka mea nui wale no i makeinake ia, oia ka loaa o ka puu dala nui e hiki ai ke hoohana aku no na hale kula, ' hoonui ae i na rumi kula, a hoonoho mar kumu makaukau no ia ha- j na. I keia manawa ua nui na keiki kupono e hele i ke kula a ua hoilioi houia aku nae lakou no ka lawa ole . o ka Imlekula e apo mai ai ia lakou. j Ma kekahi mau kula ua oi aku mamua o kanahiku-kumamalima haumana a lee [ kumu hookahi, oiai nae, o ka nui ku-' pono na ke kumu hookahi e a'o ai, he kanaha-kumamalima. Ma kekahi mau i mokuaina ua manaoia ua nui loa no ke kanaha-kumamalima haumana na ke kumu hookahi. j E nui ke dala e pono ai i lawa na kula i na kumu kula kupono, aole hoi e like me ka haawina dala i hookaa-. waleia iho nei e ka Ahaolelo ka lawa ' ole. Pehea aku la ka nui o na mea i koe i makemakeia, o ke Komisina ka i ike | ia mea; e ikeia aku ana no nae ia mau mea i ka wa e pau ai na hana amo na noii ana a ke Komisina. O ka ninau nui i keia manawa, pehea e loaa ai ke dala mahuahua e hiki ai e hoo--1 lawaia na hemahema o na kula? E i kau anei i mau auhau hou maluna o i na waiwai paa a waiwai lewa paha i kumu e loaa mahuahua ai ke dala no ka oihana hoonaauao. 0 ka manao o ka poe hooka auhau ka i makemake loaia e lohe aku no keia ninau.