Ka Nupepa Kuokoa, Volume XLVI, Number 46, 3 December 1909 — HOIKE PAIO NO KA AHAHUI C. E. O MOKAE MA HAMOA, HANA, MAUI. [ARTICLE]

HOIKE PAIO NO KA AHAHUI C. E. O MOKAE MA HAMOA, HANA, MAUI.

Ma ke Sabati la 7 o Nov., M. H. 1909, ua hui mai na Ahaliui C. E. o ka Ekaleaia o Wananalua, Hana, na makua ame na pokii me ka Akahui C. E. o Mokae, mahele elua o keia Ekalesia hookahi ma Hamoa. He eono mahele hana i lawelawe ia: 1. He hoike mai ka papa mai o na pokii o ka Ahaliui o Wananalua i alakai ia e Mrs. Nani Madiera i huiia me ko na makua. 2. He hoike mai ka papa mai o na pokii o Mokae i hui ia me na makua. 3. He lulu dala. 4. He papa ahaaina na ka Haku i ,lawelawe ia e Eev. D. K. Kaaiakamanii, ke komite. 5. He papaaina i hoomakaukauia e ka Ahahui C. E. o Hamoa. 6. Ka hoike paio. Ua hoomakaia na hana ma ka hora 10 o ia la i alakai ia e ka Lunahoojmalu o ka la .oia o G. W. K. Kauim'akaole, me ka himeni a me ka pule. Hoike mua mai ka papa mal o na pokii o ka Ahahui C. E. o Wananalua he mau pauku paanaau, i pualu ia a me na himeni, he maikai na mea i naia. iMai ka papa mai o na makua i hui •ia he mau pauku paanaau i pualuia a me na liimeni he nani a he maikai na mea i lioikeia. Mai ka papa mai o "na makua i hui ia o ka Ahahui C. E. o Mokae, he mau hoopiiia ae laua e ka Pake no ke kopauku paanaau a me na himeni he nanahe hoi kau o na mele i mele ia mai. No ka papa o na pokii mamuli o ka ulia o ke alakai oia papa, aole a lakou hoike pau na hana hoike he lulu dala, na hua i loaa he $20.00 a oi he mau manao paipai pokole. Hookuuia na ha•na hoi'ke me ka himeni a me ka pule a Kev. D. K. Kaaiak^manu. Hoomakaia na hana no ka Papa Ahaaina a ka Haku i lawelaweia e ke Komite Kev. D. K. Kaaiakamanu. Mailoko mai o ka Ahahui C. E. o na pokii o Mokae ekolu i papekiko ia; mailoko mai o ka Ahahui o na makua e<kolu i papekiko ia. , Hookomoia i ka hoahanau mailoko ae o keia Ahahui eono. O keia na hua i loaa i keia Ahahui mamuli o ka eleu o na Lunanui a me ka lokahi o na lala a pau o. keia mau Ahahui mai ka Ahahui Kula Sabati a i na Ahahui C. E. o Mokae Mahele elua o Wananalua, mamuli o ka ikaika, ka makaukau, ka eleu'a me ka naauao o G. W. K. Kauima'kaole i ke alakai ana i na hana e holomua ai keia mau Aliahui. He maikai, a he mikioi na lawelawe ana a ke Komite i na hana pili i ka Papa Ahaaina a ka Haku. Hoo'kuuia na hana me ke anoano, eehia, me ka pule a ke Komite, Eev. D. K. Kaaiakamanu. Hora 2 auwina la, hoomakaia ka Hoike Paio, he ekolu lala o na Komite ia lakou ka olelo hooholo i kohoia, Joseph Kanahele, J. K. Kanana, L. Papai. Ua •ku mai ka Lunahoomalu a hoolauna mai i ke Kumu Paio i ke anaina, oia keia, "O ke Kanawai, a me ka .Euanelio, owai ka mea oi ma ka hoomalu?" O G. W. K. Kauimakaole ka alihikaua ma ka aoao o ke Kanawai. O D. K. Wailehua ma ka aoao Euanelio. Ua lura mai ka Lunahoomalu, i elua manawa o na alihikaua o na aoao elua e kamailio ai, ka manawa mua loa, a me ka hope loa, o ka aoao o ke Kanawai ka mua, nui no na mea i wehewehe ia me ka naauao, mai na Kanawai iloko o ka olelo a ke Akua ka Baibala a i na Kanawai o ka Honua e ka alihikaua o ia aoao, a h€ nui aku na mea i hoakakaia. Mai ka aoao mai hoi o ka alihikaua 0 ka Euanelio, auwe no hoi ka nani e, i ke kauaheahe wale ia mai no ia e ka malamalama o ka Euanelio nana aku no hoi i ka nani, ka maluhia o ka Euanelio he nui no na wehewehe naauao ma ka aoao o ka Euanelio. Pau ka manawa mua o na alihikaua, ko na koa, lura mai ka Lunahoomalu, 5 minute ka manawa o kela koa, he mau koa opio, he mau koa wahine, he mu koa makua ma ka aoao o ke Kanawai, pela no me ka aoao Euanelio, nui ka paio hahana o na opio, na wahine, na makua o ka aoao Kanawai a me ka aoao Euanelio, i ka nana aku a kou mea kakau i na paio ana a na aoao a i elu'a he naauao pookela, he ike kuhokonu mailoko mai o ka ,Baibala a me na ibuke e ae mai na kane, na wahine, na opio ulu mahiehie na manao naauao mai kela a me keia hoa mai. Elua hora a oi ka hooili kaua ana, ua ano ahiahi ia wa, ua ku mai ka Lunahoomalu a olelo mai ua lawa ka manawa no na koa, no na Komite ka manawa hope loa no ka lakou olelo hooholo. He mau minute ko na komite noonoo ana na ka lakou olelo Kooholo, mahope o ko lakou noonoo akahele ana, ua k* mai ka Lunahoomalu a hoike mai 1 ka lakou olelo hooholo, oia hoi, o ka Euanelio ka mea i oi ma ka hoomalu. Hookuu ia me ka himeni a me ka pule. Ua lawa kou mea kakau me keia mau mea. Me na keiki kikoni hua ko 'u mahalo a me ka Lunahoomalu ke aloha. Kou mea kakau, JAMES E. K. KAUAKEA. Hamoa, Hana, Nov. 9, M. H. 1909. "E papa, olelo mai nei hoi paha o Keoai ia'u, o kela pohaka lauoho ole ka maluna o ko poo, he kahua paani kinipopo ka no na uku." I