Ka Nupepa Kuokoa, Volume XLVI, Number 46, 3 December 1909 — Nuhou Kuloko [ARTICLE]

Nuhou Kuloko

Ke auauwe mai nei na wahi kiekie o ke kaona i ka nele i ka wai; pikao na luawai ame na kahawai. Ma ka Poakolu nei i hoopau aku ai o Makai Nui Jarrett ia Joe Leal mai kona noho ana i poo no ka oihana makaikiu o Honolulu nei. E alawa ae ika hoolaha ka Halekuai Kamaa R«gal e oili aku nei ma keia helu o ke Kuokoa no na kamaa makana Karisimaka. Ke noii mai nei ka Loio Amerika Breckons me ke akahele loa no kekahi poe haihai kanawai i hooia mai e pili ona i ke kanawai aelike limahana, ua ku-eia. Ua hooholo mai ka Aha Kiekie e hookapu ana i na Kepani mai ke kuai kudala ana i ka lakou mau i'a ma ka makeke, ke ole e uku i laikini kudala. Ua hoi hou ae ka Hope Makai Nui Charles Rose i ka hana mahope o kona waiho ana i kahi moe no ka aneane umi la mamuli o kela haule ana mai ke kaa mai i puiwa ai ka lio. Ma ke Sabati o keia pule ae e uleleia ai ka heihei kukini hele mawaho o ke alanui Kalakaua, no ka makaukau ana 0 na moho kukini no ka heihei maoli ana aku ma ka la 19 o keia mahina. Ma ka noho ana a ka halawai a ka Hui o Burua ma, ma ke kakahiaka Poalua nei, ua hooholoia ka hoomahuahua hou ana i ke kumuwaiwai oia hui mai ka $2,000,000 a i ka $2,200,000. He mau pule uuku wale no koe a hoea mai ke Karisimaka me ka Hapenuia. Me nei, hoomakaukau e na hipuu no ke kuai ana i mau puaa ame pelehu a pakui mai na 010. Mamuli o ka hoku welowelo e ikeia ana maanei iloko ae nei o lanuari, ke hoolala ia mai nei e kukulu i hale kilohoku ma Kaimuki nona na lilo i kohoia he $5,000. Ua make mamnli o ka ulia, ka olefo hooholo a ke koronero, no Alexānder Morrison, kela haole i hauleia ai e ka hao ma ka hale hanahao o Catton & Neill a make ai iloko o ka haukipila. 0 ka huina nui o na dala i ohiia e ka Luna Auhau Nui Wilder a hiki i ka Poalua iho nei, no keia makahiki, he $1,347,035.28, mawaho ae o na auhau kaulele elua pakeneta maluna o na aubau loaa makahiki i ohiia. He aha koronero noii kumu make ka 1 kauohaia e akoakoa ae ma ka hora ehiku o ke ahiahi Poakolu nei no ka huli pono ana i ke kumu i make ai o Kaluhimoku, ka Hawaii i liaule ai mailuna iho o ke kaalio holo pupule ma ka Poaono i hala a waawaa ai ke poo, a make ai ma ka haukipila.