Ka Nupepa Kuokoa, Volume XLVI, Number 50, 10 December 1909 — KA HALAWAI A KA PAPA LUNAKIAI. [ARTICLE]

KA HALAWAI A KA PAPA LUNAKIAI.

Ma ka noho ana a ka halawai a ka Papa o na Lunakiai ma ka pō o ka Poalua nei i hooholoia ae ai ka bila haawina no fia mahina eono e hoea mai ana e hoomaka ana mai ka mahlna akn 0 lanuari o keia makahiki ae. Ma ia halawai i -waihoia ae ai he mau olelo hooholo no ka hookaawale ana i mau haawina (lala no kekahi mau alar.ui, a pela no hoi ka hoomahuahua hou ana ae i ka o kekahi mau lima. hana o ke Kalana, me ka waiho puia ana ae o kekahi mau hoike komite. Ua nui ka hoopaapaa ana o na hoa o ka Papa no na olelo hooholo i waihoia ae e na Lunakiai Ahia am6 Aylett, aka ua hoomaalahiia njai nae ka Papa ma« muli o ke komo ana aku o ia mau olelo hooholo i ke komite. He mau olelo hooholo keia e noi ana 1 mau haawina no kekahi mau alanui. Na Aylett he elua mau olelo hooholo, he hookahi e noi ana i 'haawina o $800 o ka mahina hookahi e hooliloia no ka hana ana i ke alanui o Palolo, a i $75Q no ka hana ana i ke alanui Kalauoka-

Ini, ua komo keia mau olelo hooholo iloko o ke komite. Na Ahia he olelo hooholo e hookaawale'£na i haawina o $1,500 no ke alanui o Waikahalulu, a waihoia i kē komite no ka noonoo ana mai i ke kupono ame ka ole. Hē mau olelo hooholo hou iho elua ka i waihoia mai e Cox ame Logan a hooholoia, o ia hoi e pili ana i ke alahele ame kekahi mau mea kupono e hoolakoia aku i wahi e kinaiia ai ka laha ana aku o ka ma'i fiva ma Kaneohe. No ke kulana maemae o Waipahu, ua waiho mai ke komite ola i ka hoike i ke kupono ole o kela wahi no ka noho ?na a na kanaka mamuli o ke kulana pelapela, e noi mai ana hoi ke komile L ka Loio Kalana e kakau aku i ka Papa i ka lakou mea e hana mai ai. Ua waiho puia mai he hoike e pili ana i ka poe hookaa ole o ke Kalana e hana nei i keia manawa i ko lakou mau auhau, e koi ana e hoomakaukau mai ka luna auhau i ka papa inoa o kela poe a waiho ae i ka Lunahooia, no ka laweia ae o ko lakou auhau i liookaa ol'eia mai ko lakou mau ukuhana ae, ua aponoia ka hoike. t