Ka Nupepa Kuokoa, Volume XLVI, Number 50, 10 December 1909 — HUAKAI A NA ELELE C. E. O HAWAII I AMERIKA. [ARTICLE]

HUAKAI A NA ELELE C. E. O HAWAII I AMERIKA.

(Hoomauia.) Ia ao ana ae o ia no ka la Sabati, lulai 4, 3909. He nani keia kakahiaka. He la maluhia maoli mahope iho o ka hoomaemae ana ia kakahiaka, a pau ka paina kakahiaka, hoomakaukau no ka hele ana i ka luakini i kono ia mai ai makou no ka himeni ana i ka himeni wehe. , Ua hiki mai la ke alakai nana e lawe ia makou, a ua kau makou ma ke kaa uwila a holo aku la a lele ma kahi oka halepule a makou e hele nei. Komo aku la makou iloko ua makaukau ke anaina he mau minuke mahope iho, laweia aku la makou iluna o ka Papa himeni. Ua like ka Papa Himeni me ko Kawaiahao a o kahi anoe wale no aole e ikeia iho ke kahunapule ke nana iho maluna ua manao ka hookani ogana e ha'i aku ana makou i ka leo i hiki ai oia ke hookani i ka ogana aka mahope o ko makou kukakuka ana ua hoole aku ka PereBidena a oiai aohe a makou buke aka hookahi no buke o ka buke no a ke Akua i hana ai no i Hawaii nei, a oia makaukau no i nei nei o ia no ka makou i hoopukapuka aku ai ma kela wahi. Ua hijneni makou ii *'Mele Lai," i ka pa» ana o ka himeni, ua paipai ke anaina ame he mea la nae e papa aku ana kekahi mea aole e pa'ipa'i aole nae e hiki ia makou ke ike iho pau no ka makou himeni ana ko makou puka no ia a hele no ka halepule i kono ia mai ai makou, a ia makou ! ka himeni hookuu a hiki makou ilaila ! alaila, kahea ia mai makou 110 ka himeni ana a ua himeni makou ia lesu no ke Kahuhipā, ia pau ana bo, ua puka no makou a hele no kekahi wahi okoa aku a o W. Shaw kekahi me makou. I puka aku ka hana o makou ma ke alapii e ku mai ana ka mea pa'i kii o ko makou pa'iia iho la no ia, a 0 kela kii o makou eia no me ka meakakau, ke manao nei au e ike ana no ka lehulehu i kekahi la, ma ka Hoaloha ke ae mai o Gulick ma, a ma ke Kuokoa, ke ae mai c Sol. Hanohano ma. Ma ka auwina la hele hou makou e hoolohe i ka ha'iolelo a W. Shaw, kekahi o kana mau mea i'paipai nui mai ai, oia keia: "E pulama nui ia na Ahahui o na pokii ame na opio no ka mea e lilo ae ana lakou i mau makuakane ame na | makuahine, a ina aole wahi anoano o 1 ka pono i loaa ia lakou i ko lakou wa opio e ulu: ae lakou a lilo i poe hoole Akua, auwana, i poe hiki ole ke hilinai ia. "Auwe na makua ame na Ekalesia 1 hoohemahema-i keia mea nui." Ke paipai nei au i na Ahahui e pono e lawe i keia mau olelo a noonoo, a hana. Ua ikeia ma kekahi mau ahahui, ka nana oleia o ka pono o na pukii opio. • Ma ka liula o kela la he kuaua nui ka 'i hauleouai, aole i kana mai ka ua ame ka uwila, hiki ole ke hoohanaia ke kukui uwila ia ahiahi no kekahi mau minuke. Ma ka Poakahi ae la 5 o lulai, oia ka la kulaia aupuni, aole i kana mai na kanaka e hi-o ana ma na alanui ia la, ua kau makou ma ke kaa uwila a holo no kahi o ka Ahahui o na Pokii e noho ana aia ma kekahi hale nui ma ke kumu o ka Mauna. Aia ma kekahi kauhale he 80 paha mile mai Denver aku o Boulde ka inoa, ma ko'u hoomanao ana. He nani ka aina o keia wahi kanhale, na mala pua ame na hale, i ko'u lioomaopopo iho aneane like me Waimea, Hawaii, ke ano o ka aina, o ko Waimea oneanea hoi o kela hoi ua hele a luhiehu i na laau nani ame na home i maiau ia. Holo aku makou ma ke kaaahi a ma ke kaa uwila aku, a hiki loa i I kahi e noho ana o ka Aha\mi. Iliki I aku makou e hoomaka ana na hana a mahope iho, makaukau o Mr. Shaw e ha 'iolelo, noi oia e himeni makou. Hiv I meni no makou ia lesu no ke Kahuhipa, a mahope o ka ha'iolelo ana a Wm. Shaw, ua himeni makou ia Hawaii Ponoi, mamuli o ke noi a Mr. Dyke, kumu poo o ke Kula o Kamehameha mamua. Pau ka himeni ana o ko makou liuliu iho la no ia a haalele aku la i na hoa oiai e liolo ana o Mr. Shaw no St. Paul ma ka hora 1 a oi a o makou hoi hora 3 a oi. Ua hoi makou ma ke kaa uwila a hiki i Denver. Na Mr. Shaw i uku ko makou mau lilo o ia hele ana ame ka hoi ana mai. Ma ia hoi ana mai o makou, ua ike iho la makou ma ka nupepa i na kii o makou ame na mea i kahakaha ia. (Aole i pau.)