Ka Nupepa Kuokoa, Volume XLVI, Number 50, 10 December 1909 — HE HOOMAIKAI. [ARTICLE]

HE HOOMAIKAI.

Ia Mr. Piimoku Haalou, John Naleimaile, John S. Hipa, Wm. Puaoi, D. Geo. Peka, J. I. L. K. Kahaule, Mrs. Mary S. Wm. B. Keaumaikai, Mrs. Emma Kewalo J. Kekua, Miss Kapeka, Wm. Charman, Miss Rebecca Piimoku Haalou, Miss E. L. Kalawe, A no ka mea, ma ka noho ana o ka Ahahui Euanelio Ahahui o ke Kalana o Kauai ma ka Ekalesia o Koloa nei i Okatoba 22, 23, 24, 25 ame 26 ua aie nui loa makou ka poe no lakou na inoa malalo iho nei i na haipule, ka poe no lakou na inoa maluna ae, i ko lakou lokomaikai, ko lakou oluolu, ko lakou hoomanawanui, ko lakou hooikaika ame ko lakou kokua manawalea wale ana mai ia makou, ma na hana i malamaia iho nei o ka Ahahui nona i oleloia i kinohi. No ia hana ku i ka haipule oiaio maoli ke hooholo nei makou me ka manao lokahi e pahola aku i na hoomaikai kiekie loa i ka poe no lakou na inoa i oleloia i kinohi ame ka lakou poe ohana, a pela hoi, e ili mai no maluna o oukou ame na ohana a oukou, na hoomanao ana a ko kakou Makua iloko o ka lani, i piha ai oukou me na mea maikai a nui wale, i hauoli mau ai ka uhane, aole hoi e luuluu a kaumaha. O makou no me ka haahaa, Komite Malama Ole o ka A. E. A. Kalana o Kauai. Mrs. James K. Kula, Mrs. Henry Blake, Mrs. D. K. Kapahee ame Mrs. John Naleimaile.