Ka Nupepa Kuokoa, Volume XLVI, Number 50, 10 December 1909 — HOIKE HUI O NA KULA SABATI O MAUI HIKINA. [ARTICLE]

HOIKE HUI O NA KULA SABATI O MAUI HIKINA.

Mr. Lunahooponopono o ke Kuokoa, Aloha oe: E oluolu oe e hookomo iho ma kahi kaawale o na kolamu o ka Hiwahiwa a ka Lahui, i kela poomanao e kau ae la maluna i ike mai ai na Kula Sabati, mai ka wai .o Oopuola a hiki i ka ua Peepapohaku o Kaupo. E malamaia ana ka Hoike Hui o ua Kula Sabati o Maui Hikina i ke Sabati elua o lanuari e liiki mai ana oia ke sabati la 9, 1910 ma ka luakini o Papalahoomau, Kipahulu, Kalana o Maui. ia mahelehele ana o na haawina Kula Sabati: Kula Sabati o Kaloa ame Honomanu, haawina o ka mahina o Mei, 1909; Kula Sabati o Keanae; haawina o ka mahina o lune, 1909; Kula Sabati o Nahiku, haawiua o ka mahina o Augate, 1909; Ku)la Sabati o Kaupo, haawina o ka mahina o lulai, 1909; Kula Sabati o Mokae, haawina 0 ka mahina o Sepatemaba, 1909; Kula Sabati o Wananalua, haawina o ka mahina o Okatoba, 1909; Kula Sabati o haawina o ka mahina o No-, vemaba, 1909; Kula Sabati o Kipahulu, haawina o ka ihahina o Dekemaba, 1909. Eia hou, E hana mai na alakai o leela ame keia Kula Sabati pakahi i na haawina ma'ke kulana miomio, i ole ai e hoopau manawa wale. He 15 minuke ka manawa o kela ame keia Kula Sabati e hoike ai. Eia hou, Mai lawe mai kela ame keia Kula Sabati i mau haawina hoike mawaho ae o keia mau haawina i hoikeia ae la maluna. E malama puia ana he ahamele nui ma ka po Poaono mamua iho o ka la e hoikē ai na Kula Sabati. Nolaila, ua makemakeia na Kula Sabati apau e laulima pu mai ma ia hana wehe ahamele. Aole no i hoohaiki puia aku ka puka no ka poe e ae, he Mau Club himeni ka lakou. O na loaa apau ma keia hoike ana mahope iho o ka ukuia ana o na hoolilo apau ,e holo aku nei i ka Ekalesia o Kipahulu, no ka hoomaemae hou ana i kona luakini. Owau iho no me ka haahaa, 1 L. A. KA.NAE, K. K. S. Nui o Maui Hikina. Kaupo, Maui, Novemaba 30, 1909. O ka mea hili ole aku i kana keiki 1 ka laau hahau, ua hookuukuu aku oia iaia e lilo i mea pakike mai iaia.—Sp. O ka wahine kanemake waiwai, me kekahi maka oia e uwe ai i ka make ana o kana kane, a leha mai no kekahi maka me ka akaaka.—Por.