Ka Nupepa Kuokoa, Volume XLVI, Number 50, 10 December 1909 — KUAIIA O LANAI I KEKAHI HUI He Kanu Pulupulu ka Hana Nui i Manaoia e Waiwai Kela Mokupuni. [ARTICLE]

KUAIIA O LANAI I KEKAHI HUI

He Kanu Pulupulu ka Hana Nui i Manaoia e Waiwai Kela Mokupuni.

E like me na mea i manao waleja i kekahi manawa ae nei i hala, no ke kaa ana aku o ka Mokupuni o Lanai malalo o leekahi poe haole kuonooono e lilo ai i mokupuni waiwai, pela i hookoia ae ai ia manao ma o ka hoo- j liloia ana aku o Lanai i kekahi. hui! nona na lala o John T. McCrosson, Frank Thompson, Cecil Brown, Franeis Gay ame Aubrey Eobinson. O ke kumukuai i lilo mai ai o kela mokupuni i keia hui, he $325,000, a ua pau na palapala i ka hanaia me ka ukuia ana aku o na dala apau i W. Gr. Irwin, ka ona nona ka mokupuni. He hookahi hana nui a kela hui i makemake loa ai e loaa ia lakou kela mokupuni, o ia no ke kanu pulupulu ana, a o keia aku ana kekahi o ka mahi pulupulu nui hookahi ma keia Teritore ma keia mua aku. Ma ke ana ponoia ana o kahi e loaa mai ai l<;a wai no ke kanu anā aku i ka pulupuhi, ua oleloia, ua nui ka wai mamua o na mea i manao muaia, koe wale no nae ka imi pono ana aku i kahi e kahe ai o ka wai ana na wahi kupono o Ra aina. Mawaho ae nae o ka hana kanu pulupulupu, e hooholoia aku ana no ka lio aine ka pipi ma ua mokupuni la, oiai ua nui loa kahi kaawale no na holoholona, a kaawale no kahi kupono i ke kanu pulupulu. • Aole i lohelohe waleia ka mea nana e nana aku ana i ke kanu pulupulu ana, aka ua hooholoia nae ko Chas. Gay hoi hou ana aku e noho no Lanai me he mea la oia aku ana no ka lunanui o I kela mahi pulupulu. Aia, a hoea mai i ka mahina mua o keia makahiki ae, ia wa e kaa mai ai ka mokupuni malāīo o na ona hou, a ia wa e lioohanaia aku ai ka hana kanu pulupulu i manaoia.