Ka Nupepa Kuokoa, Volume XLVI, Number 51, 17 December 1909 — KUU MAMA ALOHA UA HALA. [ARTICLE]

KUU MAMA ALOHA UA HALA.

I ke ahiahi o ka Poalima, Dekemaba 3, 1909, i haalele mai 8.1 i keia ola mauleule ana kuu.wahine a mauia aloha, Mrs. Pukaua Mersburgh ma ko maua home ma Kapaau, Kohala, a niau aku la i ke ala polikua a Kane, wehe a haalele mai la i ke kaikaina, na keiki na kini moopuna, ka ohana, na hoaioha aine a'u ke kane e hoaa, e paiauma, e haawe a e u aku me ke aloha paumako a minamina pauole nona. Ua hanauia mai oia m£Li ka puhaka mai o Kahalelaau (k) ame Kaohekanu (w) ma Kahuwa, Kohala Akau i ka makahiki 1852 malama o Malaki la 17, ua like ia me 57 makahiki 8 malama ame 16 la o kona hanu ana i na ea oluolu o keia noho ana a paualio mai la i keia ola ana. Hoohuiia maua ma ka berita laahia o ka mare i ka la 28 o Dekemaba makahiki 1889, ua like hoi ia me 19 makahiki 11 malama ame na la 6 o ka noho ana malalo o ka mana o na eheu o ka materemonia 0 ka mare. Ke huli a nana aku ihope i kela mau la kuliu a maua me kuu aloha i noho hoomanawanui ai, he mea e ke kaumaha a mokumokuahua o ka manao, i na hoomanao poina ole ana nona, i ka haalele ana mai la ia'u e maauaua a e uwe haanipo aku mahope nei me ke aloha paumako nona. Ke liaawi aku nei au i ka'u mau hoomaikai ana he nui ame ka mahalo pu 1 na Hui Kaahumanu, i ka hui pu ana mai me a'u e ike i ke kino lepo o ko oukou hoahanau-kaikuahine, ka poe i hui pu i ke ka'i huakai ana, ka poe ma ka halepule pelekane, ka poe i hoouna mai i na pua, na lei ame na lau nahele uluwehi like ole, ame ka poe pu apau i hiki ae ma ka lua pa-u, kaīii hope loa i hoonuanuaia aku ai me na wehi a ohu like ole no kuu mama aloha i hala, ka punahele a maua e hiipoi 'ai o na pua ame na meakanu like ole, minamina wale, auwe kuu hoaa ia oe e, kuu minamina pau ole. Aloha, aloha ke ahe makani o ka aina e hea nei e Pukaua e, auhea oef Ua hala, ua hala aku la, ua nalo na maka, nalo ka leo, wehe mai la i ka pili aloha a maua. Aloha wale a, aloha no e. Hoona ae ana i ke aloha pehea la ia e pau ai. Ke hooki nei au, a e oluolu e lawe aku i ka'u mau hoomaikai ana i na kini no apau o Kahuwa Nifi me Kahuwa Iki, o Kohala Nui ame Kohala Iki o Pili ame Kalahikiola na puu panee o ka aina kaulana o Wahilani. I ka Lunahooponopono ame na keiki o ka papa pa'i ko'u mahalo a hoomaikai liope i ke a'honui mai i neia ukana nui e hooili ia aku nei maluna o oukou. Me ke aloha paumako, WILLIAM MERSEBURGH. Kapaau, Koliala Akau, Hawaii, ,Dekemaba 10, 1909.