Ka Nupepa Kuokoa, Volume XLVI, Number 51, 17 December 1909 — KA LA HANAU O P. C. JONES. [ARTICLE]

KA LA HANAU O P. C. JONES.

Ma ka Poalima aku nei o ka pule i hala i piha ai ia Hon. Peter Cushman Jones na makahiki he kanahiku-ku-inamalua o kona ola ana a ua inalaka hanohano o ia la e like me na mea maa mau i lra hoomanaoia. He Jcakaikahi loa ka poe i kamaaina i kana mau kalepa me ka loaa pu ole paha o ka ike ua hiki aku kona mau makahiki i ke ka-nahiku-kumamalua, mamuli o ka ikeia aku o kona ikaika ame ka maikai o kona ola.kino, aka nae, o ka mea oiaio, ua hiki aku kona mau makahiki ilaila, a ke nana aku i kona ola kino i keia la, e hala ana no. he mau makahiki lehulehu i koe iaia. TJa loaa ae iaia na hoomamikai lehulehu a kona mau hoaloha ma ia la. 0 kekahi manao ano nui i hooholoia eia ma kona la hanau, oia kona waiho ana aku i ka lawelawe oihana ana, ma na hana ana i noho peresidena ai. 1 kela la he peresidena ia no kekahi liui mahiko ame ka Hui Nui o Burua ma, a pela me ka Banaka o Hawaii. 0 na hana koikoi apau ana i auamo ai e hoololiia ae anā i ka Hui P. C. Jones, Limited, a na ia Hui e lawelawe aku i na hana apau ma keia hope aku. , Aneane kanalima-kumamahiku makahiki i hala aku nei ua hiki mai la o 0 Mr. Jones i keia mau mokupuni i kona wa kamalii no a mai ia manawa mai leona noho ana a hiki mzu i keia la, a-e like kona ulu ana i ke oo pela ka pii mau ana o keia kulanakauhale a hiki i ka palahalaha loa ana me ka loli mau ana mai ke kulana haahaa a ili&iine a i fce kulana maikai a holomua. He kakaikahi loa na kanaka i helu puia ko lakou kulana koikoi ma na hana kalepa, na hana kalaiaina ame na hana hoomana maloko o keia paeaina e like me kona. Ua lawelawe oia 1 na hana kalepa, na pono o ke kino, a ia manawa hookahi no ua lawelawe pu oia i na hana hoomana a hiki mai i •keia la me ka loli ole, a o na hana maikai i lawelaweia e ka poe kakaikahi i like me kona an6, he mau mea kakoo nui loa ia i ka holomua ana o ke aupuni.