Ka Nupepa Kuokoa, Volume XLVI, Number 51, 17 December 1909 — KOLOHEIA O AKONI KAOO MA KA HEIHEI HELE Na Kekahi Haole Kuleana Ole i ka Heihei i Kauoha laia e hoopau i Kona Hele Ana Me Na Moho e Ae. [ARTICLE]

KOLOHEIA O AKONI KAOO MA KA HEIHEI HELE

Na Kekahi Haole Kuleana Ole i ka Heihei i Kauoha laia e hoopau i Kona Hele Ana Me Na Moho e Ae.

Ua lilo ka heihei helewawae o ke Sabati aku nei i hala mawaho o ke alanui Kalakaua i heihei makahehi nuiia e na kanaka Hawaii mamuli o ke ake ana e aha'i Kaoo, ka moho heihei kukini pahu loa o Hawaii nei, i ke eo ma kela heihei, eia nae ua lilo i mea na lakou e hoonaukiuki ai, a e ka poe no paha apau i hele e makaikai ma kela la, no ke kalohe maoliia ana o Kaoo e kekahi haole i kuleana ole ma kekahi ano i ka heihei o kela la. Ina aole kela koloheia ana o Kaoo, ina ua kaa oia ka helu ekahi ma kela heihei, oiai oia iwaena o na moho apau ke hele ana mamua ia manawa o kona kauohaia ana aku aole e hele hou mamuli 0 ke ku-e ana i na rula o ka heihei hele, me ke kahea okoaia ana aku ua liolo oia, oiai no nae aole he mea o ia ano i hanaia aku e na lunakanawai, a ua leauoha aku na lunakanawai iaia e hoomau aku 1 ka hele ana, ua hoole loa yae o Kaoo, a hiki i kona lioi okoa ana mai. Maloko nei mai o keia keena o Kaoo :ma ka Poakalii nei, a hoike mai ana i kona manao maoli, aole oia e ae ana e heihei hele me na nioho o keia Sabati ilio, ua manao maoliia no oia e koloheia e ka poe L hilinai loa maluna o Diek Sullivan ame H." M. Ayres, a lie mea hilaliila ia lakou ka haule ana o na haole kaulana i ka mama liele. Ua kaa ka helu ekahi o kela heihei ia Diek Sullivan, he umikumamalima minuke me eiwa sekona i heleia eia mai ka hoomaka ana o ke alanui Kalakaua a hiki i ka hokele ma Waikiki, a malalo mai ka manawa o kekahi poe e ae, a he eiwa ka nui o lakou i komo iloko o ka hēlu e komo ai lakou ma ka lieihei maoli ana aku ma ka auina la o keia Sabati ifio. He oiaio he elua mau manawa a na lunakanawai i kauoha aku ai ia Kaoo, e akahele loa i ke ano o kana hele ana,.

oiai ua ano holo no oia ke nanaia aka, a i ka hala ana mai o ka ekolu hapah» 0 ka pahu eo, he hapaha wale no koe, aia no o Kaoo mamua kahi i hele ai me ka hahani mau aku o Sullivan mahope ona. I kela manawa i holo aku ai he kaa otomobile mahope pono o laua a lele aku la o McFadden mai ke kaa aku, a kauoha aku la ia Kaoo, e Loopau oi^ 1 kona hele ana, no ka mea, aole he apono iki o na lunakanawai i ke ano o kana hele ana. Ua ku honua iho la o Kaoo, aka ua kauoha aku la no nae na lunakanawai iaia e hele liou, a me he mea la aole paha i maopopo pono iaia ka mea i kamailioia aku ai, pela oia i hoopau loa ai i ka hele ana, a he makemake ole no paha mamuli o kona koloheia. Ma ka ike a na mea apau, a pela pn no hoi me na lunakanawai,- e hele ana o Kaoo ma kela manawa o ke kauohaia ana aku e ku mai, malalo maoli o na īula o ka hele ana, a ua koho aku ka hapanui o ka poe makaikai ma kela la, he kumu kohu ole maoli ka hele ana ae o kela haole e hokai i ko Kaoo hele ana. Mahope iho o ka pau ana o ka heihei 'ma kela la, ua hooholo na lunakanawai e ae aku ia Kaoo e hele pu me na moho e ae ma keia Sabati ke makemake oia, oiai ua kohu ole ke kauohaia ana aku a [ kela haole ia Kaoo e hoopau i kana hele | ana. Ke puapuai hou mai nei nae na lohe, ua aa hou mai nei no o Kaoo e heihei hele ma keia Sabati iho, ii.ke noke mau mai nei oia i ka hoomaamaa iioko o keia inau la, aka na keia Sabati ae nae e ho(ike mai i kona komo ame ka ole. E hoomakaia ana ka lieihei ma keia Sabati ma ka liora elua a oi o ka au- [ wina la, e hiki ai i ka poe makaikai ke | hoi mai i ka nana hookuku kinipopo ma | ia auwina la no ma ka hora ekolu ma ka I pa kinipopo hou.