Ka Nupepa Kuokoa, Volume XLVI, Number 52, 24 December 1909 — HE ALEMANAKA MAKANA NA KE KUOKOA. [ARTICLE]

HE ALEMANAKA MAKANA NA KE KUOKOA.

Mamuli o ka nui o na palapala a ko na kuaaina poe lawe Kuokoa i hoea mai i keia keena, a pela no hoi ka hiki kino ana mai o kekahi poe a koi mai e hoounaia aku i mau alemanaka na lakou, nolaila ina aole e loaa ana na kuia, e hoea aku ana ka Alemanaka o keia makahiki ae e oili mai ana, ma ke a,no he makana na ke Kuokoa imua o kona poe heluhelu. Ua loaa mau ka iini iloko o makou e hoolawa aku i ka makemake o ko ke Kuokoa poe heluhelu, a e haawi makana mau aku lioi i alemanaka i kela ame keia makahiki, aka nae mamuli o ka uui loa o na hana o loko o ke kēena pa'i nupepa, me ka lawa kupouo ole i na limahana, ua hiki ole ke loaa he mau alemakanaka mai keia keena aku i kekahi mau makahiki ae nei i hala. He nui no na hana e ku mai nei i keia manawa, me ka maopopo ole no o ka hiki ke hanaia ka alemanaka i manaoia, aka no ka pono nae ame ka pomaikai o ko ke Kuokoa poe heluhelu o na knaaina. e hooikaika ana makou e puka aku ua alomanaka la ma keia puka ana aku o ke Kuokoa ma keia roalima ae, he makana lioi imua o kona poe lieluhelu, aole ma ka manao ana o ka poe wale no i nku mua mai i ka auhau o ka lakou mau nupepa, aka i ka poe no apau e lawe» nei i ke Kuokoa.

Ke haawi aku nei ke Kuokoa i ke aloha Karissimaka i kona poe heluhelu apau. Aloha Ivarisimaka kakou!