Ka Nupepa Kuokoa, Volume XLVI, Number 52, 24 December 1909 — MISS JULIA LAZARO UA HALA. [ARTICLE]

MISS JULIA LAZARO UA HALA.

Mr. Lunahooponopono o ka Nupepa Kuokoa, Aloha a nui: He wahi puolo o ka luuluu, ehaeha, a kaumaha ka'u, ka mea nana i uwehe ae i ka papaku o ka manao a hoohanini ae la i na koiele wai a ka lihilihi maka. I hoonalonalo iho hoi au la i ke aloha e pee maloko. Haina ae nae e ka waimaka hanini ana iwaho, O ka ke aloha hana paha ia la o ka luaiele, 0 ka hookuewa hele hoi i-ke ala me ka waimaka. Auwe-kuu eha i kuu lei e. Nau hoi ia e uwila aku ma na kihl eha o ka aina a e kukala akea aku hoi i ka loa ame ka laula i ike mai ai na kini makamaka o kuu leialoha, na hoaloha, na kaikuaana, na kaikaina, na kaikunane na makua ame na hoa inea pu o ka imi naauao ana mai ka la hiki la kau ae ma M#kanoni, a ka la kiei-e ha-lo ana i ke kai pualeileho e onini ana i ka moku o Lehua no ka haalele ana mai o kun lei aloha Miss Julia Lazaro i keia ao mauleule a kunewa hookahi aku la i ke alapoiikuakane. Auwe kuu aloha pau ole i kuu lei el Ma ka noenoe liula o ke ahiahi Poakahi, Novemaba 24 o keia makahiki no, a ma ke ala huli hoi no ka alna hanau, a maluna hoi o na ale hanupanupa o ka moana Pakipika, oiai ka Alameda e motio ana kona alahele no Hawii i loaa mai ai ne lono hoolele hauli ma ke kelekalapa uweaoie o Miss Juliiī Lazaro ua hala, ua hala i ke ala hoi ole mai. Auwe ka mea ehaeha e! Ma ke kakahiaka Poalima ae, Novemaba 26, hora 10 a oi a emi mai paha, pili ana ka Alameela i ka uwapo me ka hii pu ana mai i ke leino wailua o kuu lei aloha, Miss Julia Lazaro. Ma ka hora 12 o ia la no kau ma ka Mauna Loa no ke one hanau o kuu lei, a ma ka p. m. o ka Poaono ae, Novemaba 27 le ku ana kā Mauna Loa i ke aWa la'i o Hookena, ke one hanau o kuu lei aloha, a hiiia mai la ke kino wailua o kuu lei aloha, a ma ka home ka waiho ia ana o kona kino wailua. Auwe ka pilihua o kuu noonoo no kuu lei e! Kupouli ke aloha e Kaneloa. Aohe eu i ka hana e ke anu, Ua oni wale i ke oho a ke kupukupu, I na hoaliko pua Kaunoa i ka la, Kaka ka waimaka elo e ka laau, Hoohanini ana i kaunalewa, 0 ka ke aloha hana ka ia o ka luaiele, 0 ka hookuewa hele hoi i ke ala me ka waimaka. Ae, he waimaka U, he waimaka ehaeha no kuu lei hele loa Miss Julia Lazaro, Ua hanauia kuu lei hele loa Miss Julia Lazaro mai ka puhaka mai o Mrs. Kawahineomao Kahookiekie Lazaro me Mr. S. Lazaro ma ka la 24 o lulai, 1888 ma Hookena, Kona Hema, Hawaii. I ka hiki ana o kona mau makahiki i ka elima a oi, ua komo oia i ke Kula Olelo Beritania o Hookena i noho kumu ia'e Mr. T. K. R. Amalu ame Mrss. E„ K. Amalu, ma la kula ka hiki mua o kona hoonaauao la ana ma ka olelo Beritania. 1 ka hiki ana o ka huina o kona m&n nuikahiki i ka eiwa, ua hookomoia oia ma ke kula kaikamahine o Kawaiahao 1 ka A. D. 1896, noho ma ia kula no na ihakahiki eha ma ka A. D. 1900, pau kona noho ana ma ia kula, a puka oia mai ia kula mai me ka inoa m»aikai a maemae no hoi, me ka hilinai pu ana o kana mau kumu iaia, a huli lioi ma ka home o kona mau makua ma Hook«jna no ka manawa hoomaha. Ma ka 1901, ua komo oia i ke kula kaikamahine o Kamehameha, noho he niau makahiki ma ia kula, a ma ka la 19 o lune, 1908, ua hookuu ia mai oia mai ia kula mai me kela inoa maikai a maemae no hoi me ka hilinai nui o na kumu iaia, a huli hoi no ma ka home o na makua. . Ma ka mahina o Sepatemaba,. 1908, ua komo oia i ke kula a'o kumu, a mamuli o ka hilinai no o kana kumu iaia, Miss Ida Pope ua hoonoho ia oia ma Kaiulani Home. Noho malaila he mau mahina a ma ka mahina o ianuari, A. D. 1909, ua waiho aku oia 1 ke Kula A'o Kumu, a noho aku ma ka liaukipila o Kapalama no ke a'o ana i ka ike malama ma'i, a mamuli 0 kona iini nui e loaa iaia ka ike oi ae ma ia hana, ua haawi mai kana kumu Miss Ida Pope i na kakoo ara 1 e hookoia ai kona iini, pela oia i ae ia ai e noho ma ka Hauleipila o Kapalama no ka hooiraamaa ana ioia iho i ka ike malama ma'i. N« i ho malaila elua maliina a oi a w.nho oia i ka hana, a Ixl i hoi no k'a home aloha o kona mau makua no ka noho pu ana me kona papa oiai e liele aku ana oia no ka aina mamao no ke ake no e loaa ka naauao ma ke kulana malama ma'i. Ma ka la 14 o lulai, A. D. 1909, ua I haalele iho oia i kona one hanau,- ka home aloha, na kuku, na kaikaina, na ! ohana he lehulehu ame kona papa e I noho hookahi ma ka home me ka inoa ona Julia Bush a kau aku ma ka Maj una Loa no Honolulu, a halā loa aku | no na aina mamao no ka hooko ana i | kona iini e loaa ka naauao ma ke kulana malama ma'i me ka ukali pu ana no nae a kona papa ma kana huakai a hiki ma Napoopoo lele iuka a hoaumoe ma ka home o ke keonimana puuwai hamama George P. Kamāuoha. Ma ka la 15- ae, kau hou ma ka Mauna Loa a haawi ke aloha hope o ka papa i ke keiki, ilaila, pau ka ike ana i na helehelena o kuu lei aloha, a pela hoi oia i kona papa. Ma ka la 28 o lulai, A. D. 1909, ua haalele iho kuu lei i na kapakai aloha o ka aina hanau, kana mau kumu, na makamaka, na hoaloha, na hoa inea o ka hooikaika ana i ka naauao, a kau aku la ma ka mokuahi Alameda no ka Ipuka Gula o Kaleponi, e au hookahi ana i ka moana aole ke kamaaina ma ka moku, e hoomanawanui ana i na inea o ke ala moana, eha la aole komo ! ai wahi a kana leka ia 'u i kona papa, | a lie "mii kona poluea, ; Ua hiki oia ma Kaleponi ma ka la ' 4 o Augate, 1909, a noho ma ka Hau- | kipila o na kaikamanine e a'o ia ai i ka malama ma'i, aia malaila kona hoahanau Miss Mahikoa no ke a'o ana ia ike. Ua lawelawe oia i ka hana, a ma ka pule hope, ua ano e kona ola kino, aole maikai ka ea malaila nona, aka, ua hoomau no nae oia i lea lawelawe ana i ka hana a hiki i ka hiki ole ana iaia ke lawelawe hou aku i ka liana, no ka nawaliwali o ke ola klno, a ma ia ano, ua waiho aku oia i ka home imi naauao, a huli hoi mai la no ka aina hanau m'e ka mau no o ke onawaliwali. Ma ka la 20 o Novemaba, ua kau oia ma ka mokuahi Alameda no ka huli hoi ana mai no ka aina hanau.

Ka i no hoi o ka palekana ia o kuu lei, aole ka. He hookahi hora a oi ka haalele ana o ka Alameda i ka uwapo o ka Ipuka Gula no Hawaii nei, ua haalele mai la kuu lei aloha, Miss Julia Lazaro i keia ola ana a kunewa hookahi aku la kuu lei i ke ala- hoi ole mai. Auwe ke aloha e! Hoi aku la ka uhane me kona liaku aloha ma ka lani, a waiho iho la kona kino wailua maluna o ka moku Alameda. Ma ka lokomaikai o na lani, ua halawai aku la ka mea hanohano Conklink, Puuku o ke Teritore o Hawaii i keia wa me ke kauka o ka moku a kukakuka pu no ka mea pono e hana ai i ke kino wailua o kuu lei Miss Julia Lazaro. Ma ia kukakuka ana i hooholo ia ai ka i'aloa ana i kona kino a hoihoi loa mai no ka aina hanau net pela i loaa ai ka ike maka ana o kana kumu aloha Miss Ida Pope, kona mau hoaloha, a hoa inea pu o ka imi naauao ana i kona helehelena a kau ma ka Mauna Loa no ke one hanau ma ka la 26 no na Kona, oiai owau kona papa e noho aku ana me ka. ehaeha no kuu lei hele loa. 0 Miss Julia Lazaro i hala aku la, he maikai hoolohe, hoopono, a haipule kona, he hoomanawanui ma ka imi naauao ana. Na keia mau ano maikai apau o kuu lei aloha, oia ka mea nana i ume aku i na manao hilinai 0 kana kumu ame ka poe hoopono o ka aina iaia, a pela nd i nui ai kona mau hoaloha iwaena o ka poe maikai o ka aina. 0 ka nui o kona mau la ma keia ao mauleule he 21 makahiki, 4 mahina ame 27 la ame na hora keu, a kuu aku la ka luhi o kuu lei aloha Miss Julia Lazaro. Ke haawi aku nei au i na hoomaikai nui palena ole i ka mea hanohano Mr. Conkling ka mea nana i kokua i kuu lei aloha Miss Julia Lazaro a hiki pono mai kona kino wailua i ka home aīoha nei. Ke haawi pu aku nei i na mahalo kiekie ana ia Miss Ida Pope, Mr. Honer ma o, ko laua lawe ana - i na koikoi apau o na hoolilo o kuu lei Miss Julia Lazaro a hiki i ka home aloha ma Hookena, Kona Hema, Hawaii. Ke haawi pu aku nei no hoi i na mahalo nui ana i na makamaka ame na hoaloha o kuu lei, ma o ko lakon ukali pu ana ma ka huakai huli hoi kino wailua, a kuu lei a kau ma ka mokuahi Mauna Loa. 0 ka'u pule i ke Akua, e hooloihna ko oukou mau la o ke ola ana, a e haawi mai hoi i na hoopomaikai ana a nui, e like me na hana maikai apau a oukou i hana ai no kuu lei, pela ke Akua e kokua mai ai ia kakou apāu. Owau no me ka ehaeha no kuu lei hele loa. S. LAZARO. Hookena, Kona Hema, Hawaii, Dekemaba 9, 1909.