Ka Nupepa Kuokoa, Volume XLVI, Number 52, 24 December 1909 — Nuhou Kuloko [ARTICLE]

Nuhou Kuloko

Kie haawi aku nei ke Kuokoa i ke Aloha Karisimaka i kona poe heluhelu, Aloha Karisimakal Ma ka Poalua nei i huli hoi mai ai ka Loio Kuhina Hemenway mai kana huakai aku nei no Wakinekona. Ma ka hora umi o ke kakahiaka o ka la apopo e haawi makanaia aku ai na keiki ilihune, mai na makana aku o ke Kumulaau Karisimaka ma ka Paku Bihopa. E alawa ae i ka hoolaha a C. P. laukea,*ka loio pili kino o ka Moiwahine Liliuokalani, ma kekahi wahi o keia pepa, e hoike ana i ke kuleana ole o kekahi mea mawaho ae ona e hele aku a: e aie ma ka inoa o ka Moiwahine. E alawa ae i ka hoolaha no na kamaa aulii Oxford a ka Halekuai Kamaa Manu£acturers' e puka aku nei ma keia helu o ke Kuokoa, i kupono no ke Karisimaka ame ka Makahiki Hou. He heihei kukini o umi mile ke uleieia ana mawaena o Kaoo ame Tsukamoto maloko o ka pa kinipopo hou mauka ae nei o Leleo ma ka la Makahiki Hou. Ina aole e loaa na kuia, e oili aku ana ka alemanaka makana a ke Kuokoa, ma ka puka ana aku a ke Kuokoa i keia pule ae. . He la kulaia aupuni ka la apopo, ka La Karisimaka, e paa ana na hale oihana ma ia la. A keia kakahiaka e kapalulu mai ai ka Mauna Loa mai kona mau awa mai o na Kona ame Kau, me na makana Karisimaka ame Makahiki Hou na ko ke kulanakauhale nei poe.