Ka Nupepa Kuokoa, Volume XLVI, Number 52, 24 December 1909 — ELUA MAU HEIHEI MA KA LA MAKAHIKI HOU Akoni Kaoo Me Tsukamoto no Umi Mile-Ayres ame Sullivan no Hookahi Mile. [ARTICLE]

ELUA MAU HEIHEI MA KA LA MAKAHIKI HOU

Akoni Kaoo Me Tsukamoto no Umi Mile-Ayres ame Sullivan no Hookahi Mile.

0 ka la Makahiki Hou e hoea mai ana, oia aku ana kekahi la hialaaiia e ko ke kulanakauhale nei poe, aole mamuli o ko lakou hauoli no ka loaa ana o ka makahiki hou, aka no ka ike ana owai ana la iwaena o Kaoo ame Tsukamoto ka mea e ahai ae ana i ke eo ma ka heihei e malamaia ana ma kela la. Mawaho ae o ka heihei kukini mawaena o kela mau moho ae la a elua, o Sullivan ame Ayres kekahi e Eeihei hele ana ma kela la, nolaila ua makepono maoli ka hele ana ae e makaikai i na lealea o kela la e ike i na keiki kaulana ma ia mau ano heihei. No ka manawa loihi i hoomaloloia ai me ka lohe oleia o ka heihei kukini pahu loa ma keia mua iho, aka ma ka hui ana nae o Kaoo ame Tsukamoto a kukakuka me ka poe no lakou ka pa kinipopo hou ma Leleo ae nei, ua hooholoia e heihei laua no 10 mile ma kela la. He manawa loihi okoaia o ka noke ana i ke kamailio mamua o ka holo ana o ka heihei, oiai ua paakiki loa o Tsukamoto, o ka pahu loa ,o iwakalua-ku-mamaono mile ka laua pahu e heihei ai ma kela la, aka ua hoole o Kaoo, koe wale no ina e ae ana o Tsukamoto, i elima wale no haneri dala e maieanaia i lea

helu ekahi, a e hooneleia ka helu elna, a ma ia ano, ua kulia'u ke Kepani, a hiki i kona ae ana inai e holo me Kaoo no ka umi mile. 0 ka pahu keia i akaka pono ole ai ke eo o ia heihei, oiai nae ua haawi na lunakanawai i ka lakou olelo hooholo, ua kaa ke eo ia Kaoo, a ua nui ka hoopaapaa o na Kepani. He oiaio, ua loaa no na manao kanalua i kekalii poe, mamuli o ko Kaoo hina ana i ka pahu eo, a o keia aku ka heihei ana e akaka ai ka mea o laua e aha'i ana i ke eo ma kela la. Eia o ELaoo ke noke mau mai nei i k* hoomaamaa, me kona manao paa e hoohoka mau aku ana oia i kela Kepani ma na ano apau, oiai hoi o Tsukamoto e hoao ana e loaa aku na mahalo ana a na Kepani iaia, oiai ua piha loa ka lakou i ka huhu iaia, no ke kaa ole ana he -wahi eo iaia ma na heihei i nokeia iho nei i ka holo. E hoopanee ikiia ana nae ka heihei kukini o umi mile a pau ka heihei hele wawae mawaena o Sullivan ame Ayrea. 0 ka pahu a kela mau haole e hele ai, lie hookahi mile, oiai nae, ua makemnke o Ayres i hapalua mile laua e hele ai, o

kona pahu mama ia, a paakiki hoi kona kokooiua, o ka hookahi mile ka laua e hele ai, a ma ka lailona ana nae, ua hold aku la ka paht, o hookahi mile. Ua kohoia na lunj;kanawai na lakou e nana ka heihei ma kela la, oia o Mr. l{awlins, Chillingworth ame Savegusa. Ua hoohauoli loaia aku ka lehulehu no ka loheia ana a*3, e heihei hou ana keia roau moho ma kela la, oiai e liio ana ia mau lealea i. mea makaikaiia e na mea apau ma keia la. Ma ka Poakolu nei i hala aku ai o Kaoo no Waialua, a oiai oia malaila e noke mai ana oia i ka hoomaamaa a ma keia pule ae e hoi mai ai no ke kulanakauhale nei, a e hoamau aku ana oia i ka holo ana a hiki i ka hookuku maoli ana aku ma ka la Mnkahiki Hou. He elua mau makana i hooholoia no kela heihei kukini o umi mile, i ka mea e kaa ai ke eo o ia heihei, he ekolu haneri dala ka mea e loaa aku ana iaia, a he elua hoi haneri i ka helu elua akn. Ma kekahi ano k<» nana aku, mamuli o ka elua ana makana, a he elua no mau moho e komo una ma kela heihei, aia no kekahi manao huli dala ma ka aoao o na moho, oiii o ke kaa ana no ma ka belu elua, ua ukuia no kona mau luhi ma ia holo ana, a pela paha o Tsukamoto i hoole ae ai i ka haawi waleia ana no he hookahi makana.