Ka Nupepa Kuokoa, Volume XLVI, Number 53, 31 December 1909 — HE MAU ULIA KAA OTOMOBILE [ARTICLE]

HE MAU ULIA KAA OTOMOBILE

Aole paha he poe kaa nui o na ulia e loaa nei e like mo na kaa otomobile, eia nae he keu no o ke kaa makemake nuiia e ka hapanui o ko ke kulanakauhale nei, a o ka oi loa aku e ka poe hilei ke hoolako ia lakou iho me ia ano kaa. Ma ke ahiahi o ka Poalima aku nei i hala a ao ae Karisimaka, ua hooku'i ae la he elua mau kaa otomobi!e ma ke kihi o na alanui Beritania ame Keeaumoku, a pakele wale iho no ke ola 0 kekahi o na kiakaa ma ka apua, eia nare* he mau la kona o ka noho ana iloko o ka halema'i, a hiki i kona hoihoi loaia ana i kona home. He hookahi kaa otomo!bile. e hookele ia ana e J. A. Silva e holo mai ana ma ke alanui Beritania no ke -kulanakauhale nei, a e holo ae ana hoi ko A. J. Gonsalves kaa ma ke alanui Keeaumoku. I ka hoea like ana o kela mau kaa a elua ma ke kihi ponoi o kela mau alanui, ua hooku'i aku la ko Mr. Gonsalves kaa mawa'ena konu o ko Silva kaa, a kiolaia aku la o Sil*a iluna o ka honua, me ka eha pu o kona wawae. .Ua hoihoiia aku ka mea i eha no ka halem&'i Moiwahine, a ilaila oia kahi 1 lapaauia ai no elua la, a hiki i kona hoihoi loaia ana no kona home. Ma ia ahiahi hookahi.no, ua hooku'i aku la ke kaa otomobile o C. B. Reynolds me ke kaapio o kekahi Kepani, a no ia hooku'i ana nae, e kaa aku ana ke koikoi o na poho no na poino i loaa i ke kaapio maluna o ka mea nona ke kaa otomobile. E ku malie ana no ke kaa o ke Kepani ma ke kihi o na alanui Alakea ame >Moi, o ka wa ia i holo mai ai ke kaa otomobile o Reynolds a hooku 'i mai la, a ma na mea i hoomaopopoia, aole no i maamaalea loa o Reyiiolds i ka lawelawe ana i. na mea haiia o kela. ano kaa, a o ke kumu ia o ka hooku'i aoa.