Ka Nupepa Kuokoa, Volume XLVI, Number 53, 31 December 1909 — MAKEMAKEIA KE KANAKA PEPEHI KANAKA. [ARTICLE]

MAKEMAKEIA KE KANAKA PEPEHI KANAKA.

Ua makemakeia o J. A. Norman t> hopu no ka pepehi ana i kekahi kaikamahine. Ua manao waleia eia oia ia nei he luina maluna o kekahi o na mokuahi American-Hawaiian. He haole kela i holo mau maluna o na moku ma ke ano he luina. O kana hana e hana nei maluna o na mokualii Amer-iean-Hawaiian he kuhoe a maluna o ka laina mokuahi Clyde, ma ka moana Akelanika he luina. He kanaka Norewai kela aneane he 24 makahiki, he 170 paona kona kaumaha he mau maka ehuehu me na kiko i kakauia; he heleuma ma kona lima akau; he kii- poo wahine ma ka lima hema a he mau kiko ma kona umauma. Ua makemakeia oia no ka pepehi ana ia Annie Kessler, he kaikamahine no ke kulanakauhale o Nu loka, mamuli o kona hili ana i ke poo o kela kaikamahine me ka-hamare, me ka hoopaa ana i kawele ma kona a-i a hoopihaia ka waha i ke kawele. Ma ka la 1 o Novemd.ba i hanaia ai kela karaima.