Ka Nupepa Kuokoa, Volume XLVI, Number 53, 31 December 1909 — MAKE MAHOPE O KA HAKAKA ANA Ulu he Hoopaapaa Mawaena o la Mau Hawaii-Ukali aku Nae ka Make. [ARTICLE]

MAKE MAHOPE O KA HAKAKA ANA

Ulu he Hoopaapaa Mawaena o la Mau Hawaii-Ukali aku Nae ka Make.

Mamuli o ka inu nui ana i ka rarna a ona, a mamuli lioi o ke ala ana mai o kekahi hakaka mawaona 6 kekaai niau kanaka Hawaii elua no laua na inoa o John Kaaihue ame Kamalu ma ka i>o o ka Poalua aku la, ua make aku kekahi o laua, a ke noho mai nei ka mea limakoko i manaoia iloko o ka halepaahao. Ma ka po o ka Poalua i oleloia ae nei, ua inu iho. la ka o Kaaihue amo Kamalii i lea rama ma ko laua hale hooHmaliiha e noho ana ma kahi kokoke i ka uwapo o Haaliliamanu. Oiai nae e inu ana, ua ulu mai la he hoo-, paapaa mawaena o laua a hiki i ka holo ana o Kamalu, me ke alualu aku o Kaaihue maliope ona - a hiki i ke alanui Moi. Ia laua e noke ana i ke leupapa ma kela wahi, i hoea aku ai ka he haole o William Larsen kona inoa, a uwao ae la i na kanaka e hakaka ana, eia nae aole he makemake iki o Kaaihue e hoopau i ka hakaka ana, a kaa mai la o Larsen i hoa hakaka nona. Ma ka olelo a na lioike 1 ike i ke ano o ka loaa ana o ka poino ia Kaaihue, ua ku'i aku o Larsen iaia a hina ilalo, a ma ia hina ana, i hooku'i aku ai me kekahi pohaku, a waawaa ke poo. I kela manawa ka i hina aku ai o Kaaihue ilalo, i kii aku ai o Larsen iaia a huki mai la no ka aoao o ke alanui, a i ka hoea ana mai o na makai, Mr. Nawāhi ame Kaahu, ua lawe loaia aku la no ka halema'i maluna o ke kaa makai. Ma ia po no i hookuuia mai ai mai ka halema'i mai, mahope iho o ka wahiia ana o kona mau palapu e ke kauka, a iaia i hoi mai ai, aia no ka kela manao hakaka iloko ona no ka haole nana oia i ku'i a hina ai ilalo. laia i moe aku ai ma kela po i make ai oia, oiai aole hoi he mea nana e nana pono i kona pilikia, a ma ka mea i hoikeia ae, o kana wahine no ka kekahi i noke i ka inu, a ma ke kakahiaka o ka Poakolu ae i loaa ae ai ka lohe i ka oihana makai no kona make ana, a lawe loaia aku kona kino no kahi kaha kanaka o ke aupuni.

Ma ka ke kauka ike, o ke kumu o ko Kaaihne make aūa 7 mamuli no ia o ka eha o kona poo, ma o ka hooleu'i ana i ka 'pohaku. Ua hopuia o Larsen, no ka ninaninau ponoia ana, aka ma ka olelo a kona mau hoaloha, aole loa e ili aku ke koikoi o ka make ana o Kaaihue inaluna ona, oiai ma ke ano uwao wale no oia i hele aku ai e hui me na kanaka e hakaka ana, a no ke kupale ana iaia iho, i kau aku ai ka poino maluna o kela kanaka.