Ka Nupepa Kuokoa, Volume XLVII, Number 16, 22 April 1910 — IMI E PAKELE KA PEPEHIKANAKA Hoao na Hoaloha o Wynne e Noi i Wakinekona e Hoola laia Mai ka Make ae. KOMOHIA NA MANAO ALOHA Hoole na Makai i ka Hooko Ana Aku i ka Make Maluna Ona, ke Kauoha ia Aku Lakou. [ARTICLE]

IMI E PAKELE KA PEPEHIKANAKA

Hoao na Hoaloha o Wynne e Noi i Wakinekona e Hoola laia Mai ka Make ae.

KOMOHIA NA MANAO ALOHA

Hoole na Makai i ka Hooko Ana Aku i ka Make Maluna Ona, ke Kauoha ia Aku Lakou.

Mamuli o ka hookokoke ana mai o ka manawa no ka hooKo ana aku i ka hoopa'i make i kauia maluna o kekahi haole nona ka inoa o Wynne no kona pepehi ana i kekahi haole okoa aku a make loa he mau makahiki i hala ae nei, ua ala ae ka manao iloko | 0 kekahi poe i komohia na manao aloha no kela haole e hana aku i palapala hoopii a hoouna loa aku i Wakinekona, no ka uw:alo ana aku e hookoeia ae ke ola mai kela haole mai. Ua oieloia ae, o na makai ame na iuna aupuni na lakou e malama nei i ka halopaahao kekahl poe e kokua aka ana i kela palapala noi, no ka hoopakele ana niai i kela haole, oiai ua mahalo lakou no kona akahai oluolu ,ame ka maikai maoli no e hiki ole ai 1 kekahi o lakou ke li aku iaia maluna o ka amana likanaka. He mau makahiki loihi keia o ka noho ana o kela haole maloko o ka hale paahao mai koiia manawa mai o ka hopuia ana no ke karaima pepehikanaka a h|ki wale i ka hoohalahalaia ana ako nei o kona hihia i Wakinekona, me ka loaa ana mai nei o ka olelo hooholo mai Wakinekona mai nei e kakoo ana i ka olelo hooholo a ko Hawaii nei aha e ahewa ana iaia ma ke degere ekahi o ka pepehikanaka.

Hoko nae 0 ia mau makahiki loihi 0 kona launa pu ana me na makai ame na lunapaahao, ua pipili ko lakou mau manao a hiki i ke ku a aloha maoli ana no, me he mau hoaloha pilipaa la, pela iho la i ala mai ai keia manao! uwalo hou aku imua 0 na mana ma Wakinekona, no ka hoopakele ana ae i; keia hāole mai ka amana likanaka mai. 1 O kekahi kumu nui nana i hoeueu loa mai i ka manao 0 ka poe na lakou e imi nei i ka pono 0 kela haole, māmuli no ia 0 ka hihia pepehikanaka 0 kela Paele 0 ka mahuka ana ma ka Poalima aka nei i hala. Ua ike maoliia ka pepehi ana 0 kela Paele ia Mahu me ka manao ino mua, me kona noi ana aku nei i Wakinekona,. ua aeia mai oia e ae aku i kona hewa ma ke degere elua 0 ka pepehikanaka, a 0 ka hopena nae 0 ia hoola ana i kela Paele, 0 ia no kona mahuka ana mai ka mana mai 0 ke aupuni. Malalo 0 kela kumu hoohalike, e hoao ia aku ana e hoopakele ae i ke ola 0 haole, ina ia he mea e maliuia mai ai e Amerika. Ina ka no ko kauohaia aku 0 ka poe e noho nei ma Kawa e kau aku i ka hoopa'i maluna o kela haole, e hoole mai ana lakou i ka hooko ana aku ia hana, me ko la* kou haalele okoa aku i ka hana a ke aupuni.