Ka Nupepa Kuokoa, Volume XLVII, Number 17, 29 April 1910 — HE MOOLELO NO LUI DANABA A I OLE Mai ke Kulana Kuewa a ka Hanohano ame ka Waiwai. [ARTICLE]

HE MOOLELO NO LUI DANABA A I OLE Mai ke Kulana Kuewa a ka Hanohano ame ka Waiwai.

MOKUNA XXXV. i No ka kakou Magarrta nae, ke 010 !oa la kona manao, a he mao hana maalea wale no keia ana. e hoolale aei e hele 1 ka holokaa, a o ke)a kena ana ana ia Aka e lawe kino i ka leka a haawi aku i kona hoaloha, me ke koi pa aku o ua o Aka e hele mai, he kumu ia e hiki ole ai ia Aka ke hookololohe iho ina e hoopaa. ako ana o Magarita i kona manao hele pu me lakou. 44 Mahalo no paha au ia oe e Aka i kou piha elen, aka e hookuu mai nae onkou ia'u no ka hoi ana ae e kakau i kuu leka, a lawe koke aku o Aka e haawi ia Foloi,*' alaila ku ae la oia iluna a ninau aku )a i kona makuahine: "O ka manawa hea ia ka manawa o ke kaa e kii aku ai ia Foloi. i hoike aku ai hoi au iaia no kona manawa e makaukau ai?'' "Aia no i kau hora i makemake ai, heaha auanei kau ui mai ia makou, he poe ohua eepakeke makou, nolaila ke kauka'i aku | nei. makou i ka manawa au i ike ai he i>ono. o ko kakou manawa iho la no ia a haawi pu aku i ke kauoha i ke kalaiwa kaa e hoomakaukau mai i ko kakou kaa." ♦ "Alaila o ka hora ekolu paha ka manawa maikai loa a ke kaa e kii aku ai iaia, a o ka'u manawa ia e hoike aku ana maloko o ka'u leka iaiaa o kona hoi aku la no ia e kakau i ka leka. Aole i emo ia kakau ana mai ana, ua hoi mai la oia a haawi aku la i ka leka ia Aka t me ka pane pu ana.aku: "O ka hora ekolu ka manawa a'u o ka hoike ana aku nei iaia, no ko kākou kaalo aku ma kona hale a e mua hoi oia mamua ae 0 kela manawa, a oiai hoi oe e Aka e hele ana ma kau missona, e hele aku oe a kauoha i ke kalaiwakaa o makou, e hoomakaukau mai i ke kaa he hapaha koe kani ae ka hora ekolu. Mahoi)e koke iho o kela hala ana aku a Aka ma kana misiona, aia o Magarita ke hoonohonoho la i kana papahana, mamua ae o ka wa e hoea mai ai ke kaa o lakou, nolaila ua wehewehe ae la oia i kona lole, a komo mai la i kona lole noho hale, hauhoa ae la 1 kekahi o kona mau hainaka ma kona poo, a hoololo aku la maluna o kona koki, ma ke ano hooma'ima'i. Ke waiho hoololo loa la oia, me he mea la ua loaa io no i ka ma'i a mamua ae o ka hiki ana i ka hora elua, ua hoea koke mai la 110 o Aka, a iaia i ike mai ai i ka paa o ke poo o Magarita i ka puoloia i ka haiuaka, ua ninau koke mai la oia.me ka minamiua pu i ka loaa ana o kela haawina ia Magarita: "Ea, heaha hoi keia pilikia nui i loaa ia Magarita?" "Heaha mai auanei hoi kau. Ia oe no hoi oka hala ana aku nei,, o kona olelo iuai nei no ia i ka eha o ke poo. ua loaa paha oia i ke anu iaia i hele holoholo aku ai i kakahiaka nei, aka manao nae au, e oluolu ae ana no oia, ke loaa he -hooluolu maikai ana iaia 7 }> wahi a Mrs. Haukona oka hoakaka ana mai ma ke apo nui i meii e hoopauia ae ai na pohihihi o Aka no ke kulana o Magarita. "Ina pela aole e hiki ana iaia ke hele i ka holoholo i keia la," i pane aku ai o Aka, me ka nanaina kaumaha nae me ka nana pu ana aku ia Magarita, a o ia hoi ka ua kaikamahine la o ka pane ana mai me ka leo o ka mea iloko o ke kulana kupilikii. "Ua hoike mai nei o mama ia'u, he mea maikai ole no'u ka hele ana i keia la, malia paha he kumu hooi loa mai ia i ko'u pilikia, e lilo loa ai i hana nui ma keia hope aku." "O ka'u ia i hoike aku nei iaia e noho malie no oia i ka hale nei, a oiai he nui loa no hoi na manawa maikai e ae, malia iloko 0 kekahi o ia man manawa e hiki ai iaia ke hele i ka makaikai,'' wa«lii a Mrs. Haukona no ka hooiaio ana aku i na mea a Magarita o ke kamailio mua ana mai ia Aka. "Alaila e hoomoe no ko kakou hele ana i keia auwina la, a aia a hoea mai ke kaa, kauoha aku au i ke kalaiwa, e hoihoi hou iloko o ka halekaa." "He manao pono io maoli no ia, o ka hoomoe ana i keia huakai, ina aole i konoia aku nei o Foloi e hele pu me kakou. Ua kakau aku nei au iaia e hoea aku ana ke kaa ma ka hora ekolu ponoi, nolaila aole he mea maikai ka hoomōe ana mamuli o ko*u pilikia, ua «hiki ia oukou ke hele a pehea malia paha hoi ua haawi mai nei kela i kona ae no ka hele ana aku i ka makaikai e Aka?" "l;a haawi mai nei oia i ka ac, me kona hoike pu mai nei i kona hauoli loa e ike aku i kela wahi/' i i aku ai o Aka, me kona noonoo mna ole, eia oia ke kokua aku nei i ka manao e hooko aku 1 ka mea i hoolala muaia no kela la.

"Auhea oe e Magarita. he mea maikai oie i ko'u uoonoo ka hele ana a waiho iho ia oe iloko o kena ano nawaliwali ou. no kealia no hoi ka mea hoomoe ole o keia hele a kekahi manawa aku e hele like ai kakou- ,, u Mai noonoo nui oe no'u e mama, oiai aole no o'u pilikia maoli, a o kekahi no boi, ua hiki loa ia Aneka ke hana mai i na mea no'u e oluolu ai, a ina he aloha kou ia'u. alaila e hoopakele ae oe ia'u mai ko'u hoohilahilaia mai. ma o ke kono la i hoounaia aku nei i kuu hoaloha, a ke kakali mai la paha kela o ka hoea aku o ke kaa." mea oiaio no ia e kuu kaikamahine. aka ua hiki no ia Aka ke holo nkn maluna o ke kaa. a nana no hoi e hoakaka aku i ke 'kumu o ko kakou hiki ole ana ke hele, a he manaolana ko'u, e huikala mai ana no oia ia oe, a e hauoli ana no oia e hoomoe i ka hele ana a no kekahi manawa okoa aku." "Aole ioa au e ae aku i kena manao ou e mama, He hana maikai ole ka ēoomoe ana i ka huakai i hoolalaia mamali o ko'u oma'ima'i, no ka mea e loaa mai ana ka manao iloko o Foloi. he mea nui !oa ka paha āu i nana oleia aku ai kona ano. Malia paha e lillo ana i mea maikai ole 1 kona noonoo. keia hele oie ana aku o'a. aka e hiki ana ia Aka ke hoomakaikai aku iaia, a o oe no hoi kekahi e mama e hele pu aua. nolaila ua lawa loa olua ma ka imi ana aku i na mea nona e hoohauoliia aku ai, a aia no hoi a kekahi manawa okoa aku, pau loa kakou i ka hele hou e makaikai i kela wahi." I?a pau loa ae la ko Aka hoihoi no ka hele aku i ka holokaa ma kela la. mamuli o ko Magarita hiki ole ana ke hele pn, a ua kokoke loa no oia e hoole mai aole e hiki iaia ke hele. oiai aoie no ona hoihoi ia Foloi, koe wale no nae, he mea maikai ole, a lie haua ku hoi i ka Jioowahawaha kona hoike okoa ana ae i kona kulana keoiaimana ole. a o ka 01 loa aku o ka mea hiiahila, o ia no kona hookikina okoa aua ia Foloi e hele ma kela la. Ke hoolono la o Magarita i ka nehe o ka huila o ke kaa o Aka ma. a aole i pilia ka elima uiinuke mai ka manawa a laua o ka haalele ana mai i kona kwna. na ala ino ae la o Magarita mai koua wahi mai e inoe ana. a holo aku la noloko o kona rumi moe. me ka wehe ana i ka hainaka e paa ana ma £ona poo. a komo awiwi mal īa i kela lole no ana o ka hele ana e ike ia Lui ma ka po aku mannua. a &una iho la i kona helehelena me ka uhimaka. I kona makaukau ana no ka hele aku e ike hou i kana Lui, ua hele mai la oia no ka puka ana aku iwaho o kona rumi, eia nae ku honua wale iho la no oia me he mea ia e noonoo ana ao

k» k;ihi meu am> nui. iilaila «a komo aku la oia iioko o ka rumi mo.* o kona imifcaakan»\ a wehe iuai la i ka holowaa o ka ume. eia ka he pu panapana kana m«?a o ke kii ana aku. Noke iho ia oia i ka nana ina paha na piha oloko i ka poka. a iaia i ike ai. oa makaukau no ka hoohana ana aku. i ka wa e makemakeia ai,> ua hookomo iho la oia iloko o kona iole. me ka lalau pu ana aku no b*i i ka pahu poka e waiho pu ana maloko o kela ume. a haalele mai la i ke keena me ka awiwi. He manawa ole ia ana o ka hele ana akn, ua hiki aku la oia ma kekahi alanui akea. a hoomaka aku la e hele no kahi o kana aloha e kali hoomanawanui mai ana iaia o ka hoea aku. Me na kaina wawae mama oia e hele nei i kela manawa. no ka mea na hopohopo loa oia o hoi e mai kona mama mamua o kona hiki hou ana aku no ko lakou hale. oiai i kona manao e hoi mai ana no lakou, mamuli o ka noonoo nui o kona makuahine no kona ma'i. Ua awiwi loa aku la oia a hiki i kela alanui ololi e moe ana i ka hale o ka hoopaapioia ana o Lui. alaila ke alaalawa la kana nana ana ma o a maanei, a iaia i ike ai, ua malaelae ke alahele nona o kona hookomo aku la no i& i kana ki, a i hakalia no a hemo ka puka, o kona poholo aku la no ia iloko, me ka hopohopo ole no kekahi mea. oiai aia o Aka ke laweia la e ka huila o ke kaa, a koe hookahi keia e hui pu me kana aloha me ka hoopilikia oleia mai.

Ua holo awiwi aku la keia a hiki i ka puka o ke keena o Lui i hoopaaia ai, alaila kikeke ak\i la i ka puka me ka pane ana aku: Lni owau no keia o Magarita, ua hoea mai la no au e ike ia oe!" '•Auwe no ka hoi e! Pehea la oe e kuu aloha i aa ai e hele mai i ka wa ao. aole anei ou maka'u o ikeia mai kou hele ana mai e kekahi mea maloko o keia wahi kanaka ole?" Ua hoopukaia mai kela mau olelo e Lui, me kona maopopo mua ole i ke kumu hiki ole ia Magarita ke hele aku imua ona, i ka wa poeleele, aka aole nae he manawa no Magarita e hoike aku ai iaia ia mea, nolaila i pane ma ko Magarita aoao, ua hookomo aku la oia i kona mau lima iloko, me ka i ana aku: "Mai hopohopo oe no'u, no ka mea he oi aku ka maalahi o ka hele ana mai i ka wa ao, mamua o ka waiho ana a poeleele." "Pela no hoi paha, aka e hoomanao nae oe, malia paha eia aku o Aka ke hele mai nei, a o kou loaa pono 110 ia iaia maloko nei o keia wahi, a o ka pau no ia o ka hiki ana ia oe ke hoopakek» ia'u Ua noke ae la o Magarita i ka akaaka me ka leo nui, a pana aku la: "Aohe au hopohopo ana nona no kekahi mau hora a kaua e noho ai maloko o keia walii, no ka mea ua mamao loa aku oia ma kahi kaawale e hiki ole ai iaia ke hoopilikia mai," alaila hoakaka pono aku ltf oia i ke ano o kana mea o ka hana ana aku i wahi e hoolalauia ai o Aka i kahi e i malaelae ai ke alahele no ka laua hana hoopakele. "Ua hele aku au i keia kakahiaka e kuai i na mea au o ke kauoha ana mai ia'u, a ua loaa ia mau mea apau. Eia mai ke apuapu, a eia mai no hoi ka pahiolo. E Lui, he keu aku ka nui o kuu hauoli, ina e hiki ana ia oe ke hooikaika e hemo mai iloko o ka manawa pokole mai kena wahi paa mai." "Mai noho oe a pihoihoi e kuu Magarita, ua loaa mai la hoi paha ia oe ke alahele no'u e palekana ai, nolaila aole au e hoohala wale aku ana i ko'u manawa ma ka noho malie ana, aka e hoomaka koke aku ana au e hoohana i kuu mau lima i ka po ame ke ao, a hiki i ka moku aua o keia mau kua hao. J? "Aole nae kena o ka ? u mau mea wale no oka lawe ana mai nei, aka e nana mai paha oe i keia la," a hoikeike aku la oia i ka pu panapana a kona makuakane, me ka haawi pu ana ia Lui.

''Auwe! aole au mea waiwai e ae i lawe mai la na'u i keia po, 0 keia pu panapana wale no, a maluna o keia pu, ka hilinai ana no kuu palekana ame kuu t>la/hani maoli no kou noonoo ana mai uei i keia hoopakele no'u." & noktf iho o Lui i ka lolelple i ka pu panapana. "Aole a'u meu fnaka?U i koe i keia wa, e hiki-mai ana ka manawa a keia pu e iioopokole mai ai i ka'u hana." "Ke manaoio nei au, aole oe e lawe aku ana i ke ola o kekahi mea ma o kena pu panapana la, aka e hoohana koke i ke apuapu 1 keia manawa a owau hoi kekahi e kokua pu aku ia oe, oiai kaua e noho like ana ma keia wahi," "Aole au e ae aku ana e hoounauna ia oe, ua hiki no ia'u ke hana hookahi aku a hiki i ka hemo ana o kekahi mau hao, a o ka loaa no ia o ko'u puka e oili aku ai iwaho, a manao no hoi au, aole no he paakiki o ke oki ana i elua mau hao, a pehea ua lawe'pu mai nei no anei oe i ka mea hoopipili a ? u o ke kauoha ana aku ia oe?" "Ae, mai poino maoli ka hoi," a unuhi ae la o Magarita i ka mea hoopipili mailoko ae o ka pakeke o kona lole. "E' hoomanawanui ko'u oki ana i keia mau hao, a hiki i keia ahiahi, aia a hele mai o Aka e ike ia'u, a i kona manawa auanei e thoi aku ai, o ko'u wa ia e noho koke aku ai e hana, a ke hele ka hoi oia a hoea hou mai, manao au, e lanakila e ana au mamua ae o ia īnanawa." "He manao maikai io no kena o ke kali ana a loaa ka manawa kupono, aka keu aku nae'ko'u nauki loa no ka houlolohi loaia o kou hemo ana mai," wahi a Magarita. u Aole a kaua hoololoialiili olelo ana, oiai aole o'u makemake e loaa mai oe ia Aka uialoko nei o keia wahi, aka e ae aku ana au i umi-kumamalima o taua mau minuke e kamailio ai, a e halia'i mai hoi oe i na meahou mai kela manawa mai o ko'u nalowale ana a hiki wale i keia mau la iho nei. Aia hoi a pau kau haha'i ana mai ia'u, alaila ia wa auanei au e hookuu aku ai ia oe e hoi, a kali mai oe a hiki i kuu hoea kino uiaoli ana aku imua ou." "Alaila aole ka paha ou makemake ia'u e hele hou mai e ike ia oe e Lui?" "Ke mauao nei au, he wahi maikai ole maoli no keia nou e hele mai ai, a o kekahi no hoi o kou ike mauia i ka hele ma keia wahi. ke kumu e haoliaoia ai, a ulu mai na hoohuoi ana, he haua nui kekahi au e hana nei." "Heaha la hoi e hoomanawanui no au e like me kau e olelo mai nei ia'u, aka pehea e hiki ai ia oe ke puka mai keia hale aku, auhea auanei kau ki e hemo ai?" "Auwe! he keu aku maoli no ko'u 1010. Eia au ke noonoo nui nei no ka hemo ana majK£;eta wahi o'u o ka hoopaahaoia ana, aole nae o'u noonoo, aia no tie wahi no'u e paa hou ai, me ka maopopo ole o kahi e hoea aku al i kahi o ka lanakila. "Akahi au a hoololi i ko'u manao mua. He hana inaalahi wale no ia oe ka haawi $ma mai i kau mau ki ia'u, aka o ka pilikia, o ia no ka hiki ole ia oe ke laka mai a paa na puka i kou wa e hoi aku ai, nolaila i hookahi au manawa i koe e hele hou mai ai a o ka pau no ia, malia ma ia manawa e hoi like aku ai kaua a elua." "Aole no o'u maka u i ka hele hou ana mai e ike ia oe, nolaila aia i kau manawa e kauoha mai ai ia'u, ia manawa auanei au e hele liou mai ai e ike ia oe." "E kali oe a hala na la ekolu, alaila ia manawa oe e hele mai ai, a paa pu mai i kau inau ki, ua lawa kela manawa no'u e oki aku ai i keia mau hao, a ke hemo ka hoi au iwaho, na'u hoi ia e noke aku i ka huli malin o loaa aku kela mau dala apaa o ka aihue ia ana maloko nei no o keia hale." "Manao au he hana pohihihi loa ka loaa ana o kela mau dala maloko o keia hale, pehea ananei oia e huna iho ai i kela man dala iloko o keia wahi i ku]K>no ole no na waiwai makamae?" "He ano ole io no keia hale i ka nana aku, aka aia nae he nni !oa na wahi kupono. a man wahi huna hoi e hiki ai ke maluhia kekahi mea ke hunaia." "Heaha kau mau kumu o ka manao ana, eia maloko nei o keia hale kahi o kela mau dala o ka hunaia ana e Aka? ? ' "Hoko o kela ame keia manawa a Aka e heie mal ai e ike ia'n.

a i komi hoi ana akn. e lobe man a»a au iaia i ka hole maloko o kekahi wahi o keia hale, »i beaba ananei kana haua uni o kii heU» ana ma kela niau wahu koe wale 110 no ka nana ana i na dala ana i hana ai." ■"Ina paha hoi no ka loaa io o kela mau dala ia oe e Lui, h< j pomaikai nui ia ma ko kaua aoao, aka hoi i loaa ole» ua hiki ia'w ke hookaa aku i ka haina dala o ka aihueia ana. v Ua noho aku la o Magarita haha'i i na nieahou o na la a ī-»ui i ike ole ai t alaiia huli hoi mai la oia no kona home me ka mauao mama a hauoli hoi. Aole i ikeia mai keia hoea ana aku ona i ka hale e kekahi mea, a ua wehe awiwi ae la oia i kona lole, komo mai la he lole okoa, a haule aku la hooluolu maluna o ke koki a kona makuahine no o ka haalele ana iho iaia. Lalau aku la nae oia i ka nupepa a hoomaka iho la e heluheln, a o ka mea nana i hookahaha loa aku iaia, o ia no kona ike ana Iho i ka moolelo e pili ana i ka hopuia ana o Mure, ka nalowale honua ana hoi o Lui ame ka aihueia ana o na k&ukani dala. "Mai hoahewa ma'uwale maoli ia ke kanaka hewa ole, mamuli o na ike koho wale, aka ua loaa nae ia'u ka mea lokoino io, ka aihue ame ka powa, aohe a ? u nana ana i koe. oke kali wale no o ka hoea mai i ka wa e paa ai o ka hea iloko o ka umii," alaila kiola aku )a oia i ka nupepa, he hookahi ana mea noonoo nui ia manawa» o ia no ke ola hou iloko ona, no ka loaa ana o kana l»ui nalowale. MOIvUNA XXXVI.

Ia huli hoi ana mai o Mrs. Baukona ma, e noho hoola'i aku | ana o Magarita mamua o ke kapuahi hoopumehana, me he mea i la aole he wahi ano ma'i iloko ona, e noke ana hoi oia ika nana i \ kekahi mau meahana ana, aia ike ana mai o kona makuahine iaia, * ua hoohO mai la me ka piha me ke kahaha: ; *Ua oluolu maikai loa ae nei ka oe e Magarita? I hoi ino mai la inakou, no ko'u noonoo nui loa i kou onawaliwali, eia ka na maikai maoli oe, a pehea ua loaa iho nei anei he hooluolu maikai ana ia oe?" wahi ana me ka mohala maikai o kona manao no kana kaikamahine. "Ua maikai maoli keia o'u, a minamina no hoi i kO'U hiki like ole ana aku nei me oukou no ka holoholo ana," wahi a Magarita <4 ma ke ano hoopunipuni i ole ai e hoohuoiia mai kana man haua kolohe. "Manao nae au, aole no i pau kou ano piva, no ka mea uā hele kou mau papalina a ula, a pela pu hoi ke ano maikai kupono ole o kou mau maka ke nana mai. M i hoomau aku ai no o Mrs. Haukona i kana kamailio ana eia nae i keia wa i komo mai ai o Aka n<> ka ninau ana i ko Magarita kulana, a iaia i ike mai ai i kal lamalama o ka helehelena o ua kaikamahine la ame kona lohe pu ana mai i ke kamailio ana akn a Mrs. Haukona no ka pau ole o ka piva o Magarita, ua noonoo iho la oia, he oi loa aku ka hoi ko Magarita u'i ke loaa i ka ma'i. "Manao au, ua pau no ko'u piva, aka pehea ka oukou huakai aku nei o keia la, ua loaa anei he mau mea na oukou e hauoli ai?' ? <4 He hauoli mai hoi kau a koe a£u, a ina pa<ha o oe kekahi aole kakou e hoi koke mai a hala he mau hora loihi, a he nani maoli no na hiona ke nana aku mai kela wahi mai, aka no kekalii manawa okoa aku nae e hele hou aku ana kakou i ka makaika» no kela wahi. No Foloi Anola, oia kekahi o na hoahele maikai loa, e noke mau ana no hoi maua i ka haano'u i ka nani o na mea a maua o ka ike ana aku nei, a ke ole no lioi au e kuhihewa ua like no ko Aka manao me ko'u. aole anei pela e Aka?" "Ae, he kaikamahine oluolu maoli o Miss Poloi," wahi a Aka 0 ka pane pokole ana aku, oiai no nae aole loa ana mea oi ae o ka mahalo e like la me,Magarita. a ina oia pu kekahi me lakou, ina o Aka ke kanaka hauoli hookahi. "E wehe hoi paha i ko kuka e Aka. ame ko mau mikinilima, a e noho kakou a hiki i ka paina ahiahi," i pane mai ai o Mra. Haukona, oiai oia e wehe ana i kona koloka ame ka papale. * Ua pii ae la ka ula ma kona mau papalina no keia an'aia mai ona e noho hou aku ilaila, oiai he hana nui kana i makemake ai e hele aku e hooko, a o keia ka hoi ka mea e hiki ole ai ua hana la ana. nolaila ua pane aku la no nae oia: "Ke mahalo aku nei au i kau kono e Mrs. Haukona, aka e thuikala mai nae oe, no ka hiki ole ia'u ke ae aku i kau noi, oiai he hana ano nui loa ka'u e hele aku ana e hooko, he hana hoi nana e kono mai ana ia'u e haalele iho i ke kulanakauhale nei no kekahi mau la, "nolaila he mea pono ia'u ke hoi koke aku i keia manawa me ka lioohakalia hou ole iho." Ua hele o Magarita a lelele loa kona oili, a ke pinapina'i la hoi kona houpo, a o ia kana o ka nalu ana iho iloko ona i kona Jaki loa, o ka hoea e ana mai i ka hale, a pela pu hoi me ka loaa ana aku ia Lui o kana mau mt?a paahana mamua o ko Aka hoea ana aku e ike iaia, a ia akakuo iki ana mai o kona mau inanao uluku, ua hooninau mai la oia ia Aka: '*Ihea keia wahi au e Aka e hele aku ai, e haalele mai ana ka paha oe i ke kulanakauhale nei, a ia makou hoi kou mau hoaloha?" me ka haka pono loa aku o ka nana ana a ua kaikamahine la ia Aka. Xo kela ano nae o ka nana ana aku a Magariaa. ua haalulu honua wale ae la no ka mea hewa, me he mea la ua ike oia e hiki mai ana i kona manawa e loaa pono ai, a o ia kana o ka pane wikiwiki ana aku. "Ea, e loaa ana oe i ka piva e Magarita, no ka mea ke ikir aku nei au ika lele e wale mai no o kou mau onohi maka. E hele io ana au no kekalii wahi, aka aole nae hoi i maopopo pono, ina e holopono ana na hoolala ana i keia ahiahi, alaila ma keia po au e haalele iho ai i ke kulanakauhale nei, a ina no hoi aole, alaila e hoopanee ikiia ana paha no kekahi Ja okoa aku." Ua noke ae la o Magarita i ka akaaka. i ole ai e ike waleia mai kona ano pahenehene no keia haalele koke ana o Aka ia I*or risa, a i okoa mai la. , '*Ke ae aku nei au ia oe e Aka, he keu maoli no ko*u piha pihoihoi loa i keia auwina la, ua pau loa nae hoi ka eha o kuu poo, a no ka la apopo e maikai loa ana au, a ina hoi paha aole ou hele koke no kekahi wahi, ina ua kii hou mai oe ia ? u e hele ika holoholo." "He pomaikai hoi paha ia no kakou apau, ke oluolu maikai ioa oe. aka aole paha e hiki ia'u ke hoopanee no ko'u hele ana, oiai ua kukakuka mua au me kekahi o ko'u mau hoaloha no keia hua kai," me kela mau olelo ma ke ano kumupale ma ko A£a aoao, ua haalele ma : , la oia ia Mrs. Haukona me kana kaikamahine. la Aka i hoea aku ai no kona hokele, ua hoike aku la oia i kona haku hale e Jiele ana oia no kekahi wahi, a e hala ana paha he mau la iaia ina ia wahi me ka hoi ole mai, aka hoike pu aku la no nae oia, aole e haohao kona haku iaia ina oia e hoi mai ana 1 kekahi manawa i ka po. He mau minuke helu wale no nae ma ia hope iho o kona hoi ana aku, ua oili aku la oia hele, me kekahi puolo malalo o kona poaeae. Oloko o kekahi halekuai kana wahi mua ioa o ka hele ana, a iaia i oili mai ai mai kela wahi mai, aia hoi he ie nui kana e paa ana, i piha me na meaai like ole. alaila hele aku la oia no kekahi wahi kokoke i ke alanui ololi e hoea aku ai no kahi i hoo paaia ai o LuL Iloko o kela wahi mehameha i wehe ae ai oia i ka ukana oloko o ka puolo ana o ka paa pu ana aku me ia mai kona hokele aku. a komo mai la i kekahi kuka loihi, komo mai la hoi he umiumi ku'i a he lauoho ku'i. me ka papale ana mai i kekahi papale biva, a hoomaka aku la e hele no kahi a Magarita o ka oili ana mai i na hora mamua iho. J| (Aole i pau.)