Ka Nupepa Kuokoa, Volume XLVII, Number 18, 6 May 1910 — PAA HE MAU LUINA MAHUKA. [ARTICLE]

PAA HE MAU LUINA MAHUKA.

He mea kupaianaha ka hiki ana i kekalii mau luina oluna o ka niokii Thetis ke mahuka me ko laua paa i na kaulahao, aka nae ua pakele aku laua mailuua aku o ka moku ma ka Poakahi aku nei i liala, a paa hou mai i ka hopuia e na makaikiu i hoounaia aku no ka huli ana ia laua. He mau haole luina keia noluna o kela moku, aka iloko nae o kekahi manawa o ka mahina aku nei i hala, ua hoao aku la laua 8 mahuka maluna o kekahi o na mokuahi e haalele mai ana i keia awa no Amerika, me ko laua mauao e hiki ana ia laua ke liolo ma kela moku me ka maalahi, aka nas ua paa laua i ka hopuia, a hoihoiia noluna o ko laua moku ponoi. Ua hoopaaia laua i ka hao i kulike ai me ka rula mau o na li)ina e hoao ana e mahuka, a oiai laua § paa ana i ka hao i mahuka hou ai laua a hiki i ka loaa ana aku i na makaikiu. - Ua loaa aku laua iloko o ka rumi o kekahi kaikamahine ma ke alanui Puowaiua, ua pee kekahi malalo o ka moe, a malalo kekahi o na lole'i pailaia iho maluna ona, eia nae aole e hiki ia laua ke Halo aku mai na kanaka aku o ke aupuni. He hookahi mea i koho waleia aku no ko laua ano o ka hiki ana ke mahuka, mamuli ia o ke kokua ana aku o kekahi mea maluna o kela moku ma o ka wehe ana i na hao i hoopaala ai ia laua, a i ole kokua aku paha ma ka haawi ana ia laua i kekahi mau meahana e hiki ai ke kaawale ae ka hao mai ia laua aku. Aole laua i ikeia e kekahi mea, koe wale no kela kaikamahine nona ka hale a laua i holo aku ai ilaila e pee ai, a ma ia ano, i manao puia ai, ua lele maoli no laua iloko o ke kai, a hoomaka e y au nouka o ka aina, a ma ia ano i hoea aku ai laua i Jcela hale me ka maalahi.