Ka Nupepa Kuokoa, Volume XLVII, Number 21, 27 May 1910 — KA LA HANAU O KA NA'I AUPUNI E Malama Ana ka Hui Heihei Waa Kamehameha i Mau Heihei ma ia La. [ARTICLE]

KA LA HANAU O KA NA'I AUPUNI

E Malama Ana ka Hui Heihei Waa Kamehameha i Mau Heihei ma ia La.

E like me ka maa e malama mauia nei i na makahiki ae nei i hala no ka hoomanao ana i ka la hanau o ka Na'i Aupuni KamehamehaI; pela no e hoomanaoia ae ai ka la 11 o lune ae nei e ka Hui Heihei Waa Kamehameha ma o na lealea heihei waa la, ame kekahi ahaaina luau mauka ae nei o Kalihi. 1—Heihei 4 hoe o na wahine, Waa Papa. Elua Makana. 2—Heihei 4 hoa o na kane, Waa Papa, Elua Makana. 3—Heihei Kukulu Pe'a no na kane, Waa Papa. Papa ekahi. Makana Kiaha Dala i haawi kokuaia mai e na makamaka o ka Hui, e alualuia i kela ame keia makahiki a e lilo loa i ka mea e lawe ana i ka lanakila i ekolu manawa; ame makana da!a. 2—Heihei 4 hoe o na kane, Waa Papa. Papa Elua. Makana Dala. 5—Heihei Kukulu Pe 'a o na wahine, Waa Papa. Makana Dala. 6 —Heihei 6 hoe Waa maoli o na kane. Makana Dala. E alakaiia na hana heihei apau malalo o na Rula o ka Ahahui Heihei Waa o Kamehameha I.