Ka Nupepa Kuokoa, Volume XLVII, Number 22, 3 June 1910 — KA HOPENA O KA HOKU WELOWELO. [ARTICLE]

KA HOPENA O KA HOKU WELOWELO.

Mamuli o wanana a ka poe kilo hoku i pahola ae ma na pe'a o ka aina ua hookauia aku ka weli iluna o kekahi poe maniuli o ke kaalo ana o ka hoku mawaena o ka honua ame ka li a e pa ana ka honua i ka huelo o ka hoku a mamuli o ia pa ana e loaa ana na poino i ka honua ame kona mau mea i piha ai. O keia malalo nei ka hoike a ka poe kilo hoku: KAPALAKIKO, Mei 20.~Ua lokahi na hoike mai na kahua kilohoku lehulehu mai na wahi e kiai makaala loa ana no kekahi hiohiona e oill mai ana ma kekahi manawa mamuli o ke kaalo ana o ka honua i ka hnelo o ka hoku welowelo a *Hallev, ua kaalo paha ka honua i ka huelo o ka hoku welowelo a i ole ua huli paha ka hueio o ka hoku i kahi e mai ka honua aku i nele ai ka pa ana mai o kona huelo i ka honua. Aole hookaui kahua kilo hokn i hoike mai i kekahi mau mea i ikeia e hoakaka mai ai i kekahi ike maopopo maluna o ka ninau e pili ana i kekahi manao i kakauīa no ka hoku welowelo. Ina i kaalo ka honua i ka huelo o ka boku welowelo, aole i hoike mai ka huelo i kekahi hopena e hiki aivke ike maopopoia a e hiki ai ke hoopaaia ma ka moolelo. Lehulehu waie ka poe kilo hoku i hilinai maluna c ka manao ua hnli aku ka huelo o ka hoku i kahi e mai ka honua aktt oiai oia e mau ana kona hele ana ma j kona alahele.