Ka Nupepa Kuokoa, Volume XLVII, Number 22, 3 June 1910 — ONA HE KEIKI OPIOPIO I KA WAIONA. [ARTICLE]

ONA HE KEIKI OPIOPIO I KA WAIONA.

Mamuli o ka inu ana i ka waiona ma ka auwlna la o ka Poaono aku nei i hala, ua hoihoiia aku kekahi keiki opiopio nona na makahiki he umi wale no no kona home me ka ona, a kauoha okoaia mai o Makaikiu McDufße e hele aku e huli pono i ke ano o ka loaa ana o ka waiona ame ke ano pu o ka ona ana o kela keiki. I ka wa i akakuu inai ai ka ona o kela keiki, ua hoike mai la oia i ka makaikiu i ke ano o ka loaa ana o ka rama iaia ame kekahi o kona mau hoa. a wahi ana, ua lulu lakou a hiki i ka loaa ana he mau kenikeni, a haawi aku la i kekahi kanaka e hele e kuai waina no lakou maloko o ka hale inurama ma ke kihi o na alanui Maunakea ame Hokele. Ua loaa mai la he omole rama i kela poe keiki mai ke kanaka mai a lakou 0 ka haawi ana aku i na kenikeni, a ia wa i hele aku ai lakou no kekahi wahi waiho wale, a noke nui iho lā i ka inu. He poe keiki opiopio wale no kela a o na keiki kahiko loa o lakou aia ma kahi o ka uini-kumamaono makahiki, a i ko lakou inu ana, ua hoomaka koke no ka ona, oiai aole i maa i ka inu waiona, a na kekahi kanaka i ike i ka ona o kela keiki i hoihoi iaia 1 ka hale.