Ka Nupepa Kuokoa, Volume XLVII, Number 24, 17 June 1910 — KA NINAU WAIONA. [ARTICLE]

KA NINAU WAIONA.

Tla hele aku nei paha na kanaka iloko o keia mau la a paku'i waiona wale nno i ka nui o na manao hoakaka ma na aoao elua o keia ninau e koho baloka aku ai, aka uae he mea pono no i kela me keia e kaupaona like i ko'iko'i o na manao hoakaka.no keia ninau pela pu hoi me ua kumu kupono e noa ai a e kapu ai ka waiona. 0 ka makou e ku mau aku nei a kakoo ma ka aoao hookapu •waiona. mamuli no ia o ka imi ana i na alahele e hoopakele ae ana i na kanaka Hawaii mai ko lakou luma'iia ana ma na alahele like ole o na poino o ka waiona, a ka poe e holomoku nei iloko o ia mau hana e hoomaopopo ole nei ia mau poino, koe wale no ka lilo ana o ka waiona i mea makeinake nuiia e lakou, a no ia makemake no auanei e koho ana lakou e hoomauia aku no ka waiona ma Hawaii nei; aole no ka maikai o ka waiona. He kohu ole nae ka olelo ana a ka poe kakoo waiona, o ka lilo ana na Amerika e hana mai i kanawai hookapu waiona no Hawaii nei, e maua'e ana ia i ka pono o ke aupuni Teritore, no ka Inea' i ka wa nae i hoalaia ae ai ka ninau, na kakou na pa. makaainana ponoi no e hooholo i ka hookapu ana aku i ka waiona, o ka manawa iho la ia i olowale like mai ai na leo kupinai o ua poe nei, he hana maikāi ole, a hiki ole ka hookapu ana aku i ka waiona malalo o na kumu. ka hiki ole ke hookoia ke kanawai e kohu io ai ka hookapu ana, ame ke kailiia aku o ka mana koho baloka 0 na kanaka Hawaii a pela wale aku. 1 ka nana ana aku i na hiona e oili mai ana mahope iho o ka ihopena e ikeia ana o keia koho baloka ina no ka hoonoa ana no ia 1 ka waiona, e hooikaika hou ana ka poe kuai waiona iloko o ka Ahaolelo Kuloko e loaa mai he kanawai e kaa ai ka pono nui ma ka lakou oihana imi loaa, a iloko hoi o ia manawa hookahi aole no e noho wale ana ka aoao hookapu waiona, aka e uwalo ana lakou imua o ka mana oi ae 1 wahi e ko ai ko lakou makemake ma keia kiuau.