Ka Nupepa Kuokoa, Volume XLVII, Number 24, 17 June 1910 — MAKAUKAU NO KA HUAKAI MAKAIKAI. [ARTICLE]

MAKAUKAU NO KA HUAKAI MAKAIKAI.

Oiai he mau pule okoa no koe e kakali aku ai a hiki i ka la 4 ae nei o lulai no na lealea heihei lio e malamaia ana ma Maui, aka ua hele nae na rumi apau i ka lilo e i keia manawa i ka poe e holo ana ma ke ano makaikai ame ka nana ana i na heihei lio.

He elua mau mokuahi i koomakaukauia, oia o Kinau ame Mauna Kea, o Kinau ke lawe ana i na ohua o Maui, a o Mauna Kea hoi ka moKu nana e iawe ana i na ohua makaikai i ka luaopele. Ma ke ahiahi o ka Poaono, lulai 2 e haalele mai ai ke Kinau i ka uwapo o Honoluluu nei, a ku aku la i Kahului ma ke kakahiaka o ka la__Sabati ae, a ma ka Poakahi e malamaia ailhe hookuku kinipopo a he mau" heihei lio, a ma ia po ana iho e huli hoi hou mai ai ka mokuahi no ke kulanakauhale nei, e ku mai ai mamua ae o ka hora ehiku o ke kakahiaka Poalua, īulai 5.

No ka Mauna Kea hoi, e haalele iho ana oia ma ka hora ekolu o ka auwina la o kela Poaono no Hilo, a ma r ke kakaihiaka Sabati no oia e ku aku ai no Hilo, a o ka poe e inakemake ana e holo no ka luaopele e kau ana lakou maluuna o ke kaaahi.

O ka ukumoku mai ka holo ana ame ka hoi ana mai maluna o ka mokuahi Mauna Kea, he umi-kumamalima dala wale no, a ina hoi no ka holo makaikai loa i ka luaopele, he umi dala bou ae mawaho; a no ka holo ame ka hoi ana mai aluna o Kinau, he ewalu wale no dala.