Ka Nupepa Kuokoa, Volume XLVII, Number 24, 17 June 1910 — HOOKU'I HE MAU OTOMOBILE Pau na Huila o ke Kaa Uuku i ka Hakihaki ma ia Hooku'iia Ana. MALUNA O MILLER NA AHEWA No ka Malama Pono Ole i na Rula Pili i na Alanui ke Kumu o ka Pilikia. [ARTICLE]

HOOKU'I HE MAU OTOMOBILE

Pau na Huila o ke Kaa Uuku i ka Hakihaki ma ia Hooku'iia Ana.

MALUNA O MILLER NA AHEWA

No ka Malama Pono Ole i na Rula Pili i na Alanui ke Kumu o ka Pilikia.

Mamuli o kekahi ulia, ua hooku'i ae la he elua mau kaa otomobile i kahi hookahi a o ke kaa uuku o laua ka i poino ma ka auwina la o ka Poakahi nei ma ka hui ana o na alanui Lunaiilo ame Vitoria.

E hookeleia ana ke kaa otomobile nui e Miller a e iho mai ana oia ma ke alanui Vitoria me kana mau ohua elima, eia nae i kulike ai me ka olelo a ka poe i ike i ka_ ulia i loaa i kela mau kaa, ma ka aoao hema o ke alanui kela kaa e holo mai. ana, a e pii aku ana hoi ke kaa uuku ma ia alanui hookahi no ma ka aoao akau.

O Kauka Lane 0 ka oihana kana o Amerika me kana maluna 0 ko laua kaa ke pii aku ana a i ke kokoke loa ana aku e halawai me ke kaa nui, ua hoao ae la ke kauka e hoohuli i kona kaa ma ka aoao hema, aka ua loaa e mai la nae i ke kaa nui a hooke puia mai la me ka haki ana o kekahi mau huila.

Aole he mau poino nui i loaa i ke kaa nui, koe wale no ka pepee ana o ka ipukukui, aka ua nui na poino i loaa i ke kaa uuku.

' He nui ka poe i ike maka maoli i ke ano o ka loaa ana o ka nlia i kela mau kaa, a wahi nae a Mi)ler, ke kia* kaa o ke kaa nui, o ke kumu ka o kona holo ana mai ma ka aoao hema o ke alanui, i pakele ai oia ame kona kaa mai kekahi lua mai ma ka aoao maluna 0 ke alaha 0 kaa uwila.