Ka Nupepa Kuokoa, Volume XLVII, Number 28, 15 July 1910 — HOEA MAI KE KINO WAILUA. [ARTICLE]

HOEA MAI KE KINO WAILUA.

Ma ko ku ana mai 0 ka mokuahi Wil helmina ma ka Poalua nei i halihali mai ai oia i ke kino wailna o Mooheau i make mai nei ma Kapalakiko ma ka la 4 o kea mahina. Ua ukali pu mai ka wahine kanemake ame ka iaua kaikamahine mahope 0 ke kino o ka laua mea aloha, a ma ka uwapo aku kekahi mau ohana & mau lala o na hui a Mooheau o ke komo ana, no ka hookipa ana mai i ke kino lepo 0 ko lakom hoahanau. Ua hoihoi loaia aku ke kino no kona home ma ke alanui Moi, a ilaila na makamaka, na hoaloha ame na lala o na ahahui kahi i akoakoa aku ai, me na makana pua o kela ame keia ano. Iwaeiia 0 ka poe i hoea aku i ka home 0 Mooheau. o ka Moiwahine Liliuokalanl ame ke Kamaliiwahine Kawananakoa kekahi.