Ka Nupepa Kuokoa, Volume XLVII, Number 29, 22 July 1910 — HAINA NANE. [ARTICLE]

HAINA NANE.

Haehae ka manu, Ke ale nei ka wai. Kiauau! Kiauau!! Kiauau!!! Hoauau! Hoauau!! Hoauau!!! E liuliu, e makaukau, O kela waa o keia waa. Kaukahi ka lima, lalau ka hoe, Ia lu-luia ke kai, Ia paa ka lahilahi, Ia lali kuamoo me ka aoao, E oi ka noho imua, ihope, I like kua, I ma-lo na lima ke hoe mai. Ka ukana a ka lima o ka hoe, Ka hoa paio o ka ale, Waiho aku kau o ka eleele, Lawea mai ka'u o ke keokeo. Huea ke kea, niua ka hoe, Maloko mawaho, mawaho maloko, Ia oiliili ka holo a ka waa. Ia kulanalana, ia naueue, ia maka pouli, Ia hina kanaka iluna o ka waa, I koeleele ka—ina—liu, Ia nakekeke ka ohia, Ia paapaaina ka lauhala, Ka hoapaio o ka makani, Ka ihu o ka waa piha i ka iho—e, Owai ke kanaka ma ka ihu, Ha'i ae la o Pakaa i ke keiki, "O Lapakahoe o kuu kaikaina." Mr. Lunahooponopono o ke Kilohana a ka Lahui, Aloha oe: Ke ae mai kou ahonui i kuu wahi opeope ea, alaila e hoouna iho no oe ia uwila, a nana ka hoi auanei ia e lalapahele aku lohe ka hikina, a oia iho keia: Ke olelo nei ka nane a W. P. Na Kaula Haokila o Uwehone i hoopukaia ma kou helu o keia malama no, he Kama kana, a e hoakaka ana no hoi ka mahele mua o ua nane la, he mea i ike nuiia, he kokua no ka poe pilikia; a ma kekahi ano hoi, he huhu mai no ia oukou, he luku ana me ka weliweli nui. Ka lua, e hoakaka ana ia i kona wahi e huna ia mai nei, aia ka maloko o na hotele, a ua puni hoi ka honua i ka hele ia e ia; a o ke kolu, aia ka i ke kuahiwi, i ke kualono, i kupou, i ka walawala, iloko hoi o kupinai, i ka pali kahako, a o ka naele hoi o Alakai kona home mau e luakaha ai. A i ka huiia ana o keia mau mahele ekolu e loaa ai ka inoa piha o ua lei la ou e Hawaii aia la ke hiiia mai la e ka wai kau mai i ka maka o ka Opua, he milimili hoi na ke ehu a ke kai i lawe mai, a ke ninau mai nei nae ua keiki la o ka uka hone i ka leo o ka manu penei: Owai ka inoa o ka mahele mua o kuu Kama? Haina. Wai, oia nei no i Kinohi loa i ka wa aole kela lani ame keia honua, a o ua wai la no hoi ka nohoalii o ka mea Mana Loa a o ke oioina hoi a ka uhane o ka malamalama i hoopunana iho ai iloko o kona nani nui, he kokua nui ka wai no na lahui kanaka apau, a ke oia mau nei no ia kokua ana a hiki mai i keia la a no ka mea, ua hiki aku kona lono i na welelau o ka honua. He mea huhu ino ka wai ma kekahi ano, i wa a ka ino e popo'i haki kaikoo ana ke ahi o ka lua, e hanini mai auanei na omaka wai ua o Kulanihakoi loku eelo ka ua lani pili ka ua hea, na-ha na mano wai ouka, holohia ka wai o na kahawai, hehu ka waiula ka waikea o Makaweli, hele, huhu ke ahi me ka momoku, ohi hapuku ka ia o Kapaau i ka inaina o ua mea he wai eluku ana me ka weliweli nui a haili wale mai la no hoi ia'u neia wahi hooheno a ka poe haku mele. Akahi au a ike i ka ino o Hilo, Ke hu'eia mai la na piha-a moewai o uka. Neepapa ka helu ana a ka la ia Punahoa, He hoa no oe no'u i ka pua o ke aalii, Owai ka inoa o ka mahele elua o kuu Kama? Haina, O, ke kani la ke o he ihona pali, o keia mea he O e loaa no ia ma na hokele, ma ka papaaina a ka poe waiwai a hiki loa aku no ma na home o ka poe ilihune. Owai ka inoa o ka mahele ekolu o kuu Kama? Haina. Lama, he laau keia aia la i ke kuahiwi, he keiki kupa no ia uka lae laau, a pehea iho la la ka hoi i hoopoinaia ai ke kaikaina o keia laau ae la, e ulu mai nei ma na kihi ae nei no o kakou. I ka hoohui ana i keia mau mahele ekolu a lilo i hookahi e loaa auanei ka inoa piha o ua lei la ou e Hawaii oia hoi, "Waiolama." He muliwai a he one no hoi keia Waiolama aia la i ka aina ua Lanipili o Hilo, ke hiiia mai la e ke ehu a ke kai. Ea, ku aku la paha oe i ke a'u, i ka i'a lele o ka moana, he lohe ana aku la ka'u i ka uuina o na wai nei au e ka pokii i ka one o Wailua, ua uuina hoi paha he kiina na ke keiki laeula o ke kai hohonu, ka hela no a owela, ke kai o ka moa, o ka—hauna laau ia kuka'i ka ila ia Puapuakea. Kou no a mau, J. W. K. KAKELAMALUIKALEO. Keena Oihana, Halepaahao o Uwahipouli.

Ua ku io mai la ke kolohe i ke A'n & ku no kaena a wa kanaka ua hele mai la ka aiana a hahani i ke knmapepeiao. Kiiia mai ko makana> tJa esut po mai la no ua "*rahi kaaka nei ia oe e Mrs. Kawailehua o ke Awawa o Pauoa; a no ka panai ana aka no kon luhi. o oe pa kekahi e komo i ke anpuni o ka lani, ma ka loaa ana he ekoln mahina Jawe wale i ke Kuokoa. e kii mai no ma ke keena nei.—l». H.