Ka Nupepa Kuokoa, Volume XLVII, Number 29, 22 July 1910 — HE HOOMAIKAI. [ARTICLE]

HE HOOMAIKAI.

I ka Lunahooponopono o ke Kilohana Nou a no kou mau hoa paahana ke ha pumehana: Ke loaa he wāhi kowa 0 ka oneki o ke Kilohana, a ke ioaa pu hoi he aloha ia mai no keia wahi puolo maluna ae, e oluolu oe e hookau aku a na ka moku ea "Kuokoa" ia e lawe aku i ko makou aloha ame ka makou mau hoomaikai a haawi aku i na makamaka o ke Kai Malino a Ehu, Kai maokioki o Kona Kai Opua i ka La'i, O pua hinano ua malie hiolo na wainaoa a ke Kehau. O kua la kolili i ke kai ke na-u la kamalii, Ke kohi la i ke kukuna o ka la. j Aloha wale na kini o Kailua, aohe no he lua ia oe e ke aloha ua pono no—o ikun puni o ke aloha, lawe la. No ka hiki ole ke kaohi iho i na manao aloha kuio a ulumahiehie e hookono kono mau ae nei i ko makou mau waihona noonoo mamuli o na hana maikai 1 ikemakaia a i hiki hoi ke hooiaioi.i e na mea apau mai Hawaii a hiki loa aku i Niihau, ka poe i holo aku no Kailaa no ka malama ana i ka Ahahui Euanelio Paeaina ma ka pule hope o lune, ke pahola aka nei makbu i na hoomaikai pumehana loa i na kini makamaka, na hoaloha ame na kamaaina 0 ka Aina i kaulana i ka *ai puolo i ka maka o ka Opua no na mea maikai apau i panaiia mai e hiki ole ai ke hoopoinaia ia kau akn a ia kau aky; ua ai a lawa, ua inu a kena i ka wai a ka Naulu. aohe mea a ka naau e hoohalahala ai a hiki wale i ka haalele ana aku ia aina kaulana. Ke haawi pa aku nei makoa i na hoomaikai i na komite ahonui no ka makaala ame ka holopono 0 na mea apau i hoolalaia e lakou me Ha maikai e loaa ole ai kekahi mau manao kuhalnhala iloko o na lala apau 1 holo aku. Me ka mahalo. Samuel Kanahele. Mrs. Kanahele, Mrs Bishaw ame Mr?. Kaalaku. Honolulu, lulai. 11. 1910.