Ka Nupepa Kuokoa, Volume XLVI, Number 30, 29 July 1910 — HE HOALOHALOHA. [ARTICLE]

HE HOALOHALOHA.

I k,i Lunahoopouopoao o ka Nupepa Kuokoa ka hiwahiwa a ka lahui Hawaii, Aloha oe: E oiuolu oe e haa* wi mai i wahi kowa kaawale o kau nupepa i anoi nuiia no ka hookomo ana iho i mau wahi lalani hoomanao, no ko'u pokii kaikunane i hala aku la ma ke alahele o ko.ke ao nei apau e hele nei. Ua olnolu i ka Makua Mana loa ka lawe ana aku i ka ha,nu hope loa o kuu pokii kaikunane i aloha nuiia Mx. John Paakaula Jr. ma ke kakahiaka nui o ka Poalima, lulai 22, 1910, Nana no i haawi mai, a Nana no i lawe aku e hoomaikaiia ko kakou Haku. Ua waiho iho -oia he mau makua, me makou kona mau kaikuahine he eha. ame kona muli pokii ame ka ohana apau e noho u aku ana nona mahope ne? me ka naau i piha i ke alolia ame ka minamina nona. Ua hanauia oia i ka la 13 o Mei, 1890 nolaila ua piha iaia na makahiki he 20. Ke hooki nei au me ka naau luuluu i ko makou kaikunane aloha* i moe, me ka manaolana i.ke ola hou iloko o ka Haku lesu, Owau iho no kona kaikuahine aloha MRS. EUGENE K. AIU. Honolulu. lulai 1910.