Ka Nupepa Kuokoa, Volume XLVI, Number 32, 12 August 1910 — KAHEA HOUIA O OJEDA E HOI. [ARTICLE]

KAHEA HOUIA O OJEDA E HOI.

SAX SABASTIAN, lulai 30.—Ma ka la i nehinei ua kauoha hou aku ke aupuni o ka Moi Afonso ia Makuisa 0jeda, ka Elele lahui Sepania ma Eoma t hoi mai nia ke ano he hopena i oili mai manuili o kekahi mokuahana i ulu ae mawaena o ka aha kuhina ma Maderida ame ka Pope. 0 na makaainana e alakaiia ana e Don Jaime, ke kanaka e manao ana e pii ae maluna o ka nohoalii, no na la lehulehu i hala, ua hoalala.ae oia i na manao ooloku iwaena o na mdkaainana a ua hoopuka ae i kekahi manao laula ma ka la i nehinei e lioike ana e alakai aku ana oia i na makaainana iloko o kekahi kaua ina e ulu ae ana na hana hooweliweli hookahuli aupuni a lilo i kaua kuloko. O ke kmnu o ka mokuahana i ulu mai ai mawaena o ka Aha Kuhina o ka Moi ame na hale e noho ana malalo o ka mana o ka Pope, ola no ka hoao ana o ke Kuhina Nui Canalejas e hoololi ae ma ke ano hou i ka hooponoponoia ana o na kula ; e laweia mai na keehina hooponopono e like me ko Palani, e hoeaniia mai nae ke ano o ka hookumuia ana, aine ka hooikaika ana a ke Kuhina Nui e hookuu laulaia kē ano o ka hoomana ana a ka poe hoomana hoole Pope a e hoololiia na kanawai o ka 1851 i h"fki ai ke hoololiia na kanawai e pili ana i ka paaia na waiwai paa e noho manaia ana e na Ekalesin ame na Ahahui o na halepule.