Ka Nupepa Kuokoa, Volume XLVI, Number 41, 14 October 1910 — KO LEI E KALANIANAOLE. [ARTICLE]

KO LEI E KALANIANAOLE.

Hanohano Hawaii moku a Keawe, E lei liaalieo nei ia Kalanianaole. Kilakila o Maui Haleakala la, O Kalanianaole na'u hookalii . Haaheo o Oahu i ka Ilima, Ko lei oo hulu melemele. Lei ana ke alii k ka mokihana, Lauae o Makana nou wale no. Wehiweni Molokai nui a Hina, Ko lei kukui kau a-i. ' Ohuohu Lanai i ke Kaunaoa, Ko kapa'ahuula kau poohiwi. Pupu Niihau auhea oe, 0 ke alii wale no ka'u makemake Eia mai au Kahoolawe, Hoolieno ana au me K«ilanianaole Lei ana o Kalani i ka Ilima, Ka lei haaheo o ka lanakila. * Hea aku makou o mai oe, No Kalanianaole la e ka noho, Hainaia mai ana ka puana, O Kalani nui oe ahi lapalapa. Hakuia e ka Hae Hawaii.

Kaulana mai nei Likana la ea Like pu me ka mnhee la ea Pau loa Demokarata la ea Like pu lio makapaa la ea Malimali mai kahi haole la ea* Like pu moo nahesa la ea Mahope Likana puka la ea Like pu liolo mahope la ea Mamua Likana la ea Like pu Kepuhalika la ea Makemake kuai Lanai la ea Like pu alunu aina la ea Mamua Likana hapai pu'la ea Like pu hana make kanaka la ea Keia manawa Likana olelo la ea Like pu aloha kanaka la ea. Haina ia mau ana ka puana la ea, Likana holo mamua holo mahope la ea