Ka Nupepa Kuokoa, Volume XLVI, Number 45, 18 November 1910 — KE HOOLALA E IA MAI NEI NO NA HANA. [ARTICLE]

KE HOOLALA E IA MAI NEI NO NA HANA.

Oiai ua maopopo loa ae nei na kanaka na lakou e noho mai ka Ahaolelo kuloko, eia ko Oahu nei mau Repubalika ke hoolala e mai nei no i ke ano e puunaueia ai na liana o ka Ahaolelo, e laa na komite ame na lunanui o ka Hale o na Lunamakaainana ame ke Senate. No ke kulana Lunahoomalu o ka Hale, ua manaoia, aole he ku-e ana no ke kau hou ana aku o kela hanohano m<*luna o H. L. Holstein, ke kulana hoi ana i paa ai no na kau elua i hala ae nei me ka holopono, a o ke kannka kupono hookahi no ia i manaoia no keia kau.

Me he mea la nae, aia ma kahi o ke komite waiwai ke kamailio nui o na hoa o Oahu nei, oiai ua kaa ia Kanai ma o Kiee la ka noho lunahoomalu ana i kela komite, ake ake aku' ; Tiei >ko Oahu nei poe e lilo mai i kekahi mea o Oahu nei ka noho limahoomal 1 J ana o kela komite. . * O ke kanaka kupono hoi e nianaoia nei no ka lawe ae i ke. kiilana lunahoomalu o ke komite waiwai, oia no o Norman Watkiss, kekahi o na kanaka makaukau loa ma ka hoohana ana i na mea pili dala. ' Maluna o kela kōmite ko Oahu nei poe e kau aku nei na mauaolana no ko lakou kakoo ia H. L. Holstein i lunahoomalu no ka: Hale no ka ekolu o na kau, ina e apono mai ana oia i na mea a ko Oahu nei pōe e makemake aku nei. No ka lilo ana aku hoi i peresidena no ka Aha Senate. eia o Chilingworth ame C. Brown ke alualu nei e lilo aku i kekahi o laūa kela hanohano, oial nae e paa ana ko lauk mau manao pakahi, no ko laua kupono e kaa mai ka hoomalu ana o ke Seiaate i kekahi o.laua. ■No ke kakauolelo o ka Hale, Ua lohe ia ae, e lilo hou ana no kela kulana ia J. K. Woodward, ka mea i noho ma kela kulana ma ke kau aku nei i hala, a o Jobn Wise ka i hoike kahiko i kona manao mamua aku o ka pau ana o ke koho baloka, no kona ake ana e lilo oia i kakanolelo no ke Senate. He nui no kekahi poe e ae e ake ana e lilo mai kekahi mau kulana e ae o ka Ahaolelo ia lakou, a ma kekahi lohe hoi i pnai ae, o Willie Crawford ka mea e makemake nei e lilo i maheleolelo no ka Hale o na Lunamakarfinana, a koe aku ka maopopo ana ae i keia manawa, he ehia la poe e alualu īiei i kela kulana.