Ka Nupepa Kuokoa, Volume XLVI, Number 46, 25 November 1910 — HOPUIA NO KA PILIWAIWAI Paa o Lunamakaainana i Pau David Kama no ka Lua o ka Manawa i na Makai. MA KE SABATI NEI I HOPUIA AI Ma ka Uwapo o Dilinahama i Loaa aku ai i na Luna Aupuni me Kona Mau Hoa. [ARTICLE]

HOPUIA NO KA PILIWAIWAI

Paa o Lunamakaainana i Pau David Kama no ka Lua o ka Manawa i na Makai.

MA KE SABATI NEI I HOPUIA AI

Ma ka Uwapo o Dilinahama i Loaa aku ai i na Luna Aupuni me Kona Mau Hoa.

No ka elua o ka manawa i hopuia ae ai o D. Kama no ka piliwaiwai e na makai ma ka uwapo « Dilinahama ma ka la Sabati iho nei me kekahi poe lehulehu e ae. Ua loaa aku ka ike i ka oihana makai, no ka piliwaiwai mau ana o kekahi helnna o ka poe piliwaiwai ma kela uwapo no kekahi manawa loihi ae nei i hala, a i ka hele io ana aku o na makaikiu ma ke Sabati nei, ua loaa aku la o Kama, Ben Ross, Ah Pau, Joe Ahiona ame Kaanaana. He elua mau manawa i hopuia ai o lioss no kela hewa hookahi mamua, a o ke kolu iho la kela o ka manawa o kona paa ana, oiai hoi e Kaanaana ua hele a lehulehu wale na manawa o ka hopaia ana, a o ka elua iho la hoi kela o ko Kama paa ana. Ma ka manawa mua loa o ko Kama loaa pono ana i na makai e piliwaiwai ana, ma kahi kokoke no ia i ka pa ilina ma Koula, a o Geo. Pem, Geo. Kaea ame kekahi poe lehulehu e ae ka i paa mai, a hookuuia ma o ka bela ana, a haalele nui nae ,i na bela kou. He hookahi ka kanaka a ka makai Korea o ka hopu ana aku i hooikaika a hiki i kona lele okoa ana iloko o ke kai, mamua ae o ka hoomaopopoia ana o kona ano. Ma ke ahiahi Poaono aku, ua paa hou 'mai no kekahi poe he ehiku ko |akou nui i na makai mauka o ke awawa o Pauoa, a o ka nuV o na dala i loaa aku ma ke ano hoike ma ka aoao o ke aupuni e ku-e ana ia lakou he «kolu a oi.