Ka Nupepa Kuokoa, Volume XLVII, Number 4, 27 January 1911 — NA MEAHOU O KA OIHANA MAKAI O KE KULANAKAUHALE AME KALANA O HONOLULU. [ARTICLE]

NA MEAHOU O KA OIHANA MAKAI O KE KULANAKAUHALE AME KALANA O HONOLULU.

E ka Nupepa Kuokoa. ke Kilohaoa Pookela o ka Lahui. ka Ipukukui nana e hoomalam&lama nei i keia mau paemokn o Hawaii nei: E oluolu mai * kau wahi kaawale o kou mau kolamu no keia mau meahou e pili ana no ka oihana makai. la'u i hoopaaia ai rca ka halewai, ke nana nei au i ke ano o ka lawelawe hana ana a na wiliki eia ka aohe na lana e lawelawe ka laua hana. na na paahao ka e hana k?i laua dala nunui o ka mahina. i ko'u nana aku he man kanaka kupono ole keia mau kanaka ma keia kulana aole i lawa ka ikaika e hiki ai ke lawelawe aku i na lawehala. E nana pono mai oukou e ka Papa Lunakiai i ke ano o na kanaka i hoonohoia iloko o ka oihana he kuleana ka luna hoomalu o ka Oihana Makai e nana pono mai i ke ano o ka hoohana ia ana o ka oihana makai ina aohe kanaka kupono o ka aoao Demokarata e hiki ke lawelawe mai keia oihana ua hiki loa i ka aoao Repubalika ke hoopiha aku i kanaka kupono ma keia kulana i na wa apau e makemake ia ai ina o keia no ke ano kanaka a ka Makai Nui e boopaa al maluna o keia oihana na na paahao e hana i ka laua dala, alaila he mea pono i na Lunaklai e oki i keia haawina dala, ua lawa no ia wahi na ka paahao e hana koe mai ia mau dala nunui iloko o ka waihona 0 ke Kalana no kekahi mau hana okoa aku o ka lehulehu. A eia liou no keia mea e hoike hou akn ai, ia'u i lawe ia ai iloko o ka halepaahao o ke Kalana maanei nui ke kahaha o ko'u naau i ke ano o na kanaka i hoonohoia ai ma ka oihana he poe elemakule liilii he lima pepee kahi a he makapaa kahi me ka pepee pu o ka lima he ekolu wale no kanaka kupono ma ka oihana iloko o keia halepaahao. Eia nae ka mea apiki a'u i ike ai o ke kanaka elua ano kina oia ke kanaka hookiekieia maluna o ka oihana, he makapaa keia me ka pepee pu o ka lima a o na kanaka kino maikai hoi aohe iho la i loaa ka hookiekie ia o keia iho la ke ano o na kanaka 1 hoonohoia maluna o ka oihana e ka aoao Demokarata he piha opala. A pau hou keia mahele a eia hou no keia mahele no na mea e pili ana no ka malama ana i ka poe paahao. O ka malama ana o keia luna paahao i na paahao aohe ike i ka malama ana aohe lawa na paahao i ka ai he pololi maoii no ka paahao eia ke ano o ka hanai ana i na paahao. I ke kakahiaka nui he wahi kini ti me hookahi wahi apana palaoa me elua wahi papaa berena me kahi i'o kamano e like me ka maiao ka nui, ka ai ana keia iloko. puka ka laina a hiki i kahi o ka hana hana aku la a hiki i ka hapalua o ka hora ewalu ai wahi berena hou me kahi kini ti i ke awakea ai wahi poi me ka bipi pau iho la no ia o ka ai poi ana. he hookahi no ai poi ana o ka la, pau ka hana hoi iloko aina ahiahi, elua apana palaoa me elua papaa barena me kahi bipi liilii me kahi kini ti oia iho la ke ano o ka hanaiia ana o na paaliao i ka la hana, koe ka la hana ole. Eia ke ano o ka hanai ana o na la hana ole, he elua no ai ana o ka la i ka hapalua o ka hora ewalu ai poi a i ka hapalua hora elua auwina la ai liou he wahi palaoa no keia me kahi papaa berena me kahi i 'o bipi liilii me kahi kini ti, oia keia mau la hana oie Lapule la nui ame ka la ua. 0 keia iho la ke ano e malama ia nei na paahao e keia lunapaahao na oukou ia e ike mai a eia hou keia mea apiki o ka poe e hana mau ana aohe no lakou hanaiia i ka aīna awakea he poe hana mau keia aohe Lapule aole la nui, aohe 1a ua. He poe paaUao keia e hoomaemae ana ialoko o ka halepaahao, pau pn me ka poe hoomalu. ka poe e kali ana no ko lakou hookolokolo loaa like ole ia lakou ka ai aia no a puka ka laina alaila loaa>ia lakou he ekolu ai ana o ka la. 1 ka manawa o keia mau halepaahao a i elua malalo o ka malama ana a ka hmapaahao o ka Teritore aohe wahi a ka paahao e hoohalahala ai he lawa i ka poi ame ka i'a he elua ai poi ana o ka la.iloko o ke kapu nui e haawiia mai ai ka ai, aole iloko o ke kini inn ti e like me keia lunapaahao o ke Kalana e hana nei i kana i poe paahao. j O keia iho la ke ano o ka maiama i ia ana o na paahao o ke Kalana. Ke hooki nei keia makapeni maanei, me ka mahalo. | J. PAAHAO. |